2013年9月20日 星期五 陰天
尋日係中秋節, 今日係追月, 可惜今日成個天都係雲,
睇唔到太陽, 咁就一樣睇唔到個月光啦!
尋日都仲可以見到個月亮喺東方升上嚟, 仲係黃色嘅添!
今日成日都好暗, 好早就天黑囉!
呢幾日都掛住將奇摩嗰邊啲濕碎嘢搬過嚟呢邊, 文章搬完就搬啲留言同回應.
其實呢幾日睇番以前PO過啲文章同埋人哋啲留言同回應, 都會諗番起嗰陣時喺我blog出現過嘅網友同佢哋傾過嘅嘢. 唔再出現嗰啲人唔知佢哋而家點樣呢?
希望佢哋都係過得快樂自在啦!!
真係好在冇用搬家工具搬, 唔係又點會有機會睇番以前網友留過嘅內容呢!!!
就好似睇番啲舊信一樣!! 你哋應該明白我而家嘅感覺嘅!!!
各位, 你哋幾好吖嘛??
濕碎嘢: 零碎的東西
諗番起: 回想起
香港
高雄
全站熱搜
留言列表
