Sheila的廣東話世界

唔識普通話，搵到好工你都無用


話說薯仔以家既一間中環公司，係由鬼佬做老細，咁自然之前既筆試面試所考既只係英文。

入職要求裡，亦並無要求應徵者去認識普通話(呢個亦係薯仔點解眾裡尋他，要揀以家現有呢份工既原因)

薯仔既學生生涯裡面，並無認真學習過普通話。中學裡既沒有學過，大學時期因為普通話課程異常沉悶，加上薯仔亦無語言天份，所以亦在學習中途放棄了。

所以薯仔既普通話，我諗同好多香港人一樣，就係淨係識將個"我"字讀成"喎"字就算鬼數。講得最多普通話既時候，除左薯仔試過係上海住過半個月外，就係平日同朋友扮外勞性工作者傾計，一句句"lao sai"，屍胡屍服呀"。。。

不過出左黎做野後，又會發覺，原來普通話都係不可或缺。

薯仔份工，除左應付一堆鬼佬外，原來亦要應(對)付一班大陸客，只不過大陸客既比例比較少(亦都算係好彩)。係好多時，唔係面對面講野，要用電話去解決問題時，普通話就絕對絕對咁重要。

亦係呢個時候先明白，原來以家既打工仔，見工時，識普通話已經係一個共識，正如佢唔會問你你識唔識廣東話一樣。佢地會認為，你係中國人，你唔識同中國人溝通，我請你返黎做乜？

唔好以為你做鬼佬公司就相安無事。當你老細，又或者高層，都唔識得講普通話既時候，但係無啦啦又有一個大陸人要應付，如果你係呢個危急關頭唔伸出援手，淨係識得企係一邊傻笑，又或者你上頭叫你去頂你嘗試去卸膊既時候，佢凌厲既目光已經明示比你睇，你既仕途都唔慌好得去邊。

薯仔其實一年只會同四五個大陸客講野，有d會駐係香港，有d係遙遠既北方。係香港，又或者係經常同香港人講野既大陸客，其實好多都幾好人。雖然我成日都講到自己唔知講乜野，條俐lur到打棘，講到面紅耳赤，個腦要比平時行快三倍去了解對方講乜野，嘗試半聽半估佢既意思，到最後我諗大家都唔知大家想點，但係大家再講下講下通常都會和氣收場，起碼會come到一個共識。

但係打返去遙遠既北方，就大檸樂。薯仔試過一次，因為寄DHL寄失左，加上對方同我地接觸開既人辭左職，薯仔就比上頭吩咐落，要同對方交待，又要同佢講以家應該有乜野應變辦法。薯仔好努力，但係講黎講去，佢聽唔明我講乜之餘，我又唔知佢想點，淨係識得粗聲粗氣咁小返我轉頭。

佢係小你，你又可以點？一黎佢係客，二黎你又係小職員，無路可逃，比人小完，你唯有諗辦法去安慰自己，之後再硬著頭皮打多次過去，講多次，"呢姣，喎是帶嫖XXX。。。。"，總之比人小極都要去到完成任務為止。

每次講一個普通話既電話，講兩個字，仲辛苦過我做兩個鐘數獨，唔好再計坐係身邊既同事既竊笑。

有時你留個CONTACT比D客，佢又真係夠膽打黎，因為你毫無準備，你又要搞一大輪先知佢係邊個，過程中仲要千萬唔好得失佢地，否則佢地嬲嬲地搵封信上既另一個CONTACT(好大可能係我上頭啦即係)，咁我仲大鑊。

所以話，對住大陸客，幾大既壓力都有。亦有言道：

"唔識英文，你唔會搵到一份好工。
唔識普通話，搵到好工你都無用。"

係香港地，身邊既朋友想學外語時，我通常都會話，"你英文得唔得先？得，你普通話又掂唔掂？未學好呢兩樣，千祈唔好再學其他!"
文章來源: http://hongkongpotato.blogspot.com/2007/01/blog-post_28.html


唔識: 不會, 不懂           好工: 好工作           薯仔: 這裡是指反應愚笨的人. 而作者自稱自己.
以家: 大多人都用「而家」或「依家」表達現在的意思.          揀: 挑選           淨係: 只是
lao sai: 這是廣東話「老細」, 而在學人發音不正的時候的字音
屍胡屍服: 這是廣東話「舒唔舒服」, 而發音不正時的字音.
份工: 這份工作           好彩: 幸運, 好運           無啦啦: 無緣無故
卸膊: 推卸責任            條俐: 俐應是「脷」, 舌頭的意思. 這條舌頭
lur到: 「lur」是形容舌頭捲起來的樣子. 這裡是指說國語要常捲舌; lur到=捲到
打棘: 打結          大檸樂: 麻煩大了, 頭大了, 事情大條了 
小返我轉頭: 把我罵回來了, 「小」是帶有粗口髒話的罵          比人小: 被人罵  
呢姣: 這是普通話(國語)的「你好」, 因發音不正, 與「呢姣」的粵音相似.
帶嫖: 這是普通話(國語)的「代表」, 發音不正, 說得像粵音的「帶嫖」
兩個字: 這裡指的是十分鐘          得失: 得罪失禮
嬲嬲地: 帶點怒氣的心情, 氣呼呼的          大鑊: 糟糕
係: 這字應是「喺」, 在的意思


後記: 證明兩文三語在香港是很重要, 對香港人要面對工作上的需求, 懂普通話更是現在的基本工具之一.

888港劇迷部落格於2011/12/12 13:07 回應

在台灣，兩文三語也是很需要!
不過內容就有一滴滴不太相同。
兩文：
中文...這是基本的啦~
英文...上班打工基本配備...
額外加購
簡體中文/ 韓文/ 法文/日文/ 德文/ 義大利文
三語：（任選三種）
國語/台語/客家語/原住民語
額外加購 福州話/潮州話/上海話/粵語/印尼話／菲律賓話／泰語／越南話
........因為台灣不只有外傭、還有外籍新娘....
而台灣外交處於弱勢，所以除了英文必備之外，歐洲的語言也得要瞭解一至兩項，
這樣若是在外商公司，或是有國外訂單才能溝通.....
因此....這年頭，打一份工，都得要十八般武藝、樣樣俱全啊....才一份薪水，得做數份工...

在台灣不只二文三語了.
台灣也是一個移民社會, 但是台灣的文化比香港多元化很多.
台灣的實力, 真是不要小看.

香港
高雄