其實都唔係一定要睇電視劇, 睇啲有粵語配音嘅卡通電影都幾好吖!
又唔使要追住個劇情, 好似睇TVB劇都要連續追嚟睇, 有時搞到通宵都未追完, 又想知下集劇情講咩, 真係好傷精神.
我呢排去咗樓下間租片舖度, 租咗啲有粵語配音嘅卡通電影返嚟睇, 都係呢幾年拍嘅卡通, 前幾日先至睇完迪士尼呢套「勇敢傳說之幻險森林」(勇敢傳說); 之前就有睇過「魔境仙踪」(奧茲大帝), 不過呢套唔算全部卡通片, 但係個劇情都好緊湊, 故事應該係綠野仙踪嘅前傳啩! 所以入面啲人物同情節都好快就入咗去角色度, 而且每套戲都有佢想要表達嘅人生哲理, 真係好有意義! 先至: 才
就呢套「魔境仙踪」咁, 男主角喺現實生活做唔到嘅理想, 佢喺仙踪入面要再次遇到同埋要解決, 就好似我哋現實生活入面, 就算俾你避過一次難題, 你始終都係要面對第二次, 第三次難題, 唔通我哋可以每次都避得到咩? 同埋:和,還
仲有睇咗套片, 佢係夢工場嘅「無敵貓劍客」(鞋貓劍客), 係講Shrek片入面出現過嗰隻好可愛嘅貓仔, 一樣佢帶出嚟嘅訊息都係要人諗吓自己要面對逃避唔到嘅人生難題. 而家啲電影水準真係好好, 立體卡通, 喺屋企個40吋大螢幕電視度睇加埋音響效果, 真係好爽神! 再嚟喺個電腦播出嚟仲過癮! 因為電腦個螢幕一樣夠闊! 我唔係故意喺度晒嘢㗎…..
爽神:舒暢 晒嘢:愛炫
仲有一套「鬼靈精怪大酒店」(尖叫旅社), 呢套都唔錯, 幾好笑, 都係有粵語配音, 如果想學廣東話嘅朋友, 其實你哋都可以睇吓呢啲有粵語配音嘅電影, 又唔使追劇情, 一次睇完.
講下呢套片「勇敢傳說之幻險森林」, 呢套片我覺得好啱俾大啲十幾歲嘅小朋友嚟睇, 因為要面對嘅係親子關係, 所以其實對大人都有啟示作用㗎. 上面嗰套都係一樣講親子關係㗎!
我而家先諗到應該要喺個blog度介紹俾大家, 所以之前嗰啲片就一次過喺度講晒佢啦! 都還返俾租片舖囉! 所以講唔到好多劇情, 最好你哋睇完有咩感覺可以嚟呢度同我share㗎!
歡迎嚟到至架勢工匠室, 呢度有好多熊嘅木雕同裝飾品, 不過唔好意思, 而家暫時缺貨.
如果你想查詢畫像或者結婚蛋糕裝飾嘅嘢, 麻煩你將第一樽液體倒入去個煲度,
如果你想聽英文嘅話倒第二樽…… 至架勢:最厲害, 最威風
公主, 我而家趕住去參加巫婆愛作戰, 春天前我都唔會返嚟.
關於個咒語, 我有啲嘢唔記得話你知㗎.
當第二日日出嗰陣, 你個咒語就冇得返轉頭㗎嘞!
除非你可以領悟到呢幾句啦….
審視內心
拋開自尊
修補彼此關係
命運自會改變....
香港
高雄
留言列表
