close
喺香港過年都係一樣架啦,
一定會拜神, 拜祖先.
年卅晚係最多人去行花市,
我哋嗰晚都有去行架!
仲有睇住啲人入天后廟裝頭炷香,
仲有嗰晚花市入面有個好似台灣夜市入面啲撈魚攤位,
擺咗好多個喺地下, 成楂人坐咗喺度玩添啦!!
不過影咗啲相全部啲檔案留低喺香港部電腦度,
所以而家冇得睇啦!
不過好在有一張係第二部相機影嘅, 影咗一張,
就係花市對出入口.
年初一起身之後要一齊食齋架!, 即係唔可以食肉啦!
嗱, 所以就係食呢煲齋, 唔食唔得喎!
橫掂都肚餓啦, 所以就砌咗兩碗啦!!
成煲嘢入面有粉絲, 豆腐泡, 菜, 冬菇,
仲有腐竹, 荷蘭豆係咁易炒埋一齊就係啦!
第二日年初二起身之後一齊食先係叫「開年飯」,
即是係有肉食架啦!! 同團年食嘅差唔多啦!
梗係有魚有雞有湯咁啦!!
嗰日就冇影到相呀!!
裝香: 插香 成楂人: 一堆人 橫掂: 反正
砌咗: 塞了(吃了) 係咁易: 隨隨便便, 簡單的
香港
高雄
文章標籤
全站熱搜
留言列表
