2013年6月9日 星期日 晴 超熱
好耐都冇搞個blog囉!
因為自從多咗個facebook之後, 個廣東話家族本來搬咗去知識團,
以為可以安居樂業啦!
點知跟住連個知識團都話冇埋要搵碇搬, 卒之都係搬咗去facebook嗰度.
唔經唔覺都過咗半年喇!!
時間真係過得好鬼快, 就嚟又話暑假嚟喇!!
今個暑假, 我應該會返香港, 覺得好似好耐冇返過香港咁!
其實諗真啲又真係有超過一年冇返去喇!
呢排忙啲咩? 之前就為咗穿水晶珠仔, 跟住就搞facebook,
最近就為咗學啲電腦課程, 搞到周身都唔得閒,
有得閒都係攞嚟瞓覺囉! 咁就梗係仲要同學生上廣東話堂啦!!
總之電腦嗰度落咗本, 唔學到識唔學到滾瓜爛熟就真係對唔住自己………..
啲錢! 哈哈!!
不過都好, 天時咁熱, 上堂時有冷氣嘆慳番屋企啲電費, 呢度就搵番啲本返嚟啦!
冇埋: 也沒有
搵碇搬: 找地方搬
卒之: 最後
諗真啲: 認真的思考
周身: 全身
滾瓜爛熟: 熟透
嘆: 享受
慳: 省
香港
高雄
全站熱搜
留言列表
