2009年9月3日 星期四 晴
一聽到豬流感就怕怕啦.
本來諗住今個暑假可以返香港放吓假,
點不知後嚟香港傳染得好快,
日日都有新聞話有幾多幾多人惹到要隔離,
一唔係就係要入ICU隔離, 因為病情危殆咁話喎.
又話有幾間學校嘅學生都惹到搞到要提早放暑假.
香港傳得咁快, 諗住都係唔返去好喇.
留喺台灣睇吓點情形, 點不知而家輪到台灣.
真係好鬼死驚呀! 唔知點解我今次特別驚!
而家咁嘅環境, 真係要小心啲好啲呀!!
所以呢輪都開始煲番啲保健湯水飲吓!
上個禮拜就開始煲個龍利葉羅漢果瘦肉湯,
不過冇影低啲相又冇諗到要寫喺個BLOG度, 等下次再煲囉!
不過尋日又煲個唔同嘅湯, 諗起要影低佢先,
咁就唔怕唔記得要PO出嚟個BLOG度喇!
今次個湯係用雪耳百合無花果煲瘦肉,
除咗呢啲仲要落蜜棗同南北杏, 仲有甘筍添!
甘筍就即係紅蘿蔔囉! 喺香港都可以叫甘筍架!
所以如果你哋喺香港街邊有見到有寫住甘筍汁就即係紅蘿蔔汁囉!
仲有一樣要落嘅就係陳皮囉! 陳皮可以化痰呀!
呢煲湯飲落係甜甜地架! 因為無花果同蜜棗都係甜架!
再落啲甘筍, 咁呢個湯就真係好甘甜好好飲架!
嗱, 南北杏, 無花果同埋百合都係可以清肺治咳,
加埋雪耳可以滋陰養陰, 紅蘿蔔又有營養, 再用瘦肉嚟吊味.
真係唔錯架!! 好好味呀!!
我全部湯料都潷出嚟先影到咁嘅相呀!
成煲湯呀! 已經飲咗幾碗啦!!
諗住: 打算 今個: 這個, 今年這個 點不知: 哪知道 一唔係: 要不然
~咁話: 這麼說; 這裡可以用現在流行語「~的說」 環境:狀況, 情形 呢輪: 這時候, 這回
煲番啲: 煮一些 影低啲相: 照片拍下來 雪耳: 白木耳 落: 放, 下
吊味: 引出味道 潷:撈
本港新增四宗H1N1危殆個案
(星島) 2009年9月2日星期三 21:21
本港過去二十四小時共有三百二十一(321)宗新增人類豬型流感確診個案。香港至今共錄得一萬二千四百五十六(12456)宗確診個案,而確診個案中,目前有一百零四(104)名病人需留院接受治療,其中八十六(86)人情況穩定,七(7)人嚴重及十一(11)人危殆。確診死亡9人。
http://hk.news.yahoo.com/article/090902/3/e0qp.html
今日9月3日為止確診死亡10人, 12948宗確診個案.
今日9月29日為止確診死亡21人, 27500宗確診個案.
「到底要準備什麼 材料」翻成廣東話??
=即係要準備咩材料先?
=究竟要預備咩材料呀?
=即係要預備d咩材料先?
你意思是不是要翻譯?
份量看要煮多少人的, 我一鍋無花果放了6, 7顆, 蜜棗放了8顆, 紅蘿蔔兩小根, 其他看看是多少按比例, 因為家裡沒有什麼重量計, 白木耳是要先泡水, 會發大的, 所以要酌量.
香港的朋友嗎?
叫他們去藥材鋪買都會幫你酌量分配好的.
這個是平常都可以喝的湯水. 香港人大概都知道怎樣煮, 看個人喜好, 不是每個家庭煮的都一樣呢!!
香港有蘿蔔, 紅蘿蔔, 青蘿蔔
如果煲湯都係用紅蘿蔔同青蘿蔔, 有時仲一齊煲, 不過台灣冇青蘿蔔.
d湯因為有蜜棗同無花果係有甜味, 但係都要落d鹽架, 唔係冇咁好飲啦.
所以呢個唔係糖水(甜湯), 係屬於一般日常湯水, 要落鹽架, 不過依家d人怕太鹹會高血壓, 都唔會落太多鹽啦, 所以飲起黎係甘甜甘甜囉.
真係好好飲架, 試下自己煲下就知啦
留言列表