出遊記－Sheila的廣東話世界

上個星期五同星期六,
我哋去咗桃園嘅小人國, 同埋台北嘅野柳同九份玩.
玩完返嚟真係全身散晒,
第二日瞓醒起身仲覺得週身骨痛添!!
不過唔算係攞苦嚟身喎!!
事關可以暫時無憂無慮咁去出遊,
真係人生一大樂事啦!!
幾攰都值回票價啦!! 你話係咪呢?!
我哋星期四夜晚就搭車上中壢住一晚先,
然後一早起身食早餐, 再坐車去小人國.
嗰日個太陽真係好鬼死勁, 晒到你淨係想去玩水,
邊度都唔想行, 所以嗰日就係咁易睇吓啲模型建築物,
影吓啲相留念, 之後就入去睇哆啦A夢(叮噹)嘆冷氣啦!!
好在有啲機動遊戲係有冷氣嘅, 所以都冇咁熱!
最後梗係去水上樂園玩啦…
不過嗰度噴出嚟嗰啲水做乜咁鬼凍架?
早知咁凍就喺晏晝時入去玩啦!!
咁就玩咗一日啦! 然之後, 我哋就坐車去基隆啦…
去到基隆, 因為咁啱有識到一位網友係住基隆個喎!
所以就約咗佢出嚟, 佢順便做吓響導咁啦..
一去到就去咗雞籠廟口食嘢先, 第二日佢同我哋一齊去玩囉…
本來個行程冇去野柳架! 但係因為包咗架的士,
個的士佬一直係咁介紹啲行程, 又話點點點,
咁我哋就決定去埋野柳同一啲行路同巴士都去唔到嘅地方睇吓嘢啦…
之後就去九份, 不過去到就開始落雨囉!!
嗰度嘅芋圓糖水真係好好味,
啲芋圓地瓜圓真係夠依韌,

真係好好味呀!!

同埋:還有, 加上, 和     散晒:全散了, 散掉     起身:起床
週身骨痛:全身酸痛     攞苦嚟身:自找苦吃     事關:因為
幾攰:多累     淨係:只是     邊度:哪裡     係咁易:隨隨便便
嘆冷氣:吹冷氣; 「嘆」有享受的意思.    梗係:當然     做乜:為何, 做什麼
咁鬼凍:那麼冷     晏晝:中午     咁啱:剛巧     的士佬:計程車司機
係咁:不斷, 不停的     點點點:怎樣怎樣的
去埋:也去～; 「埋」有增加, 增添, 加進來的含意的語助詞
依韌:形容食物是有軟綿綿有彈性的, QQ的意思
興烚烚:火燒蒸籠很熱的樣子