Sheila的廣東話世界

先聽看看, 再看文字訓練聽力吧.

要收聽內容, 請將右邊正在播放的音樂播放器或影片檔暫停

菠蘿油王子呢個故事,
就係媽媽講俾我聽關於我爸爸嘅故事,
媽媽講呢個故事俾我聽,
除咗等我唔好以為自己喺石頭爆出嚟之外, 個教訓當然係要俾心機讀書,
唔好學我個衰鬼老豆咁, 傻吓傻吓, 大個咗至嚟後悔,
我亦都開始有少少明白媽媽點解佢死慳死抵, 供我學好多嘢.
買保險, 收收埋埋啲金, 好多包米, 好多廁紙, 好似隨時準備走難咁,
走難應該帶幾多卷廁紙呢?

不過, 最離譜都係呢度,
佢話到佢瓜咗, 唔想再飄嚟飄去,
佢話想瞓响度, 日日對住個海印印腳, 不知幾過癮.
我小朋友, 唔明白咁有幾過癮. 我淨係覺得有少少慘,

我爸爸想返去以前唔知邊度,
我媽媽淨係諗住以後唔知邊度,
就得我一個, 留响而家.

呢個=這個; 係=是; 俾=給; 咗=了; 唔好=不要; 喺=在; 出嚟=出來; 俾心機=用心用功;
衰鬼=壞; 老豆=爸爸; 至嚟=才來; 點解=為什麼; 佢=她; 死慳死抵=努力省; 嘢=東西;
收收埋埋=收收藏藏; 廁紙=衛生紙; 呢度=這裡; 瓜咗=死掉; 瞓响度=躺在這裡;
印印腳=抖抖腳; 咁=這樣; 淨係=只是; 邊度=哪裡; 諗=想; 响=在; 而家=現在