要收聽內容, 請將右邊正在播放的音樂播放器或影片檔暫停
你地知唔知係邊個把聲嚟呀?
唔知? 聽真啲啦!
再見！唔好怪我第一句又同你講再見！ (唔好=不要; 同=跟)
因為我真係專程嚟同你道別嘅！ (嚟=來; 嘅=的)
你知道我係邊個㗎！ (邊個=誰)
不過你唔記得咗之嘛！ (之嘛=有只是的意思的語助詞)
我記得你嘅！你總係笑瞇瞇咁望住我， (咁=那樣的; 望住=看著)
你唔講嘢，淨係聽我講嘢。 (講嘢=說話; 淨係=只是)
嗰陣時個世界好安靜，冇而家咁嘈， (嗰陣時=那個時候; 而家=現在; 嘈=吵)
襯得我特別吱喳，特別開心， (襯=襯托)
我記得你隻手掃過我背脊嘅感覺，
我記得同你去睇影畫戲， (睇=看)
你會喺我耳仔邊講嘢，你講得好細聲， (喺=在; 細聲=小聲)
其實我一啲都聽唔清楚， (一啲=一點)
不過，我好鍾意聽你咁樣同我講嘢。 (鍾意=喜歡; 咁樣=這樣)
以後，再冇人咁樣同我講嘢喇！ (冇=無, 沒有)
我記得你好鍾意睇日落，
睇完日落，就去聽音樂會。
我哋又成日散步去食消夜。 (我哋=我們; 成日=常常; 食=吃)
嗰陣唔知點解？ (嗰陣=那時; 點解=為什麼)
周不時都分唔清楚究竟係星期幾？ (周不時=三不五時)
日子好似唔會過去嘅！
時間都好似係停咗落嚟咁！ (落嚟=下來)
然後，忽然間，就發覺原來已經經過咗好多年。
我記得，好痛！
因為你話俾我知，你要走喇！ (俾=給)
我再無睇過日落，
亦都冇再同人食宵夜。
原來，難過嘅日子，
一樣係好似唔會過去。
然後，又係一眨眼，
至發覺已經過咗好多年。 (至=才)
我記得，你同我去過嘅每一個地方，
我唔會再去嘅！
嗰啲茶座，舞廳同花園， (嗰啲=那些)
而家係點？我唔知呀！ (係點=是怎樣)
嗰啲地方通通留喺我心裡面。
不過，我知道，你唔記得㗎啦！
唔緊要！我一個人記住就得啦！
我唔會講，我老喇！
我只係會講，我喺度太耐， (喺度=在, 在這裡; 太耐=太久)
時間耐咗，難免知道人總會慢慢咁將過去淡忘，
又會睇住啲嘢, 無聲無息咁樣消失。 (啲嘢=那事情,東西)
我點解要走？怪我自己啦！
我先兩日，唔知諗緊乜嘢， (先兩日=前幾天; 諗緊=正在想(思考); 乜嘢=什麼)
無端端走咗去睇日落， (無端端=無故)
個日落就同我記得陪住你睇嗰個樣一樣。 (嗰個樣=那個樣子)
不過，就算我點樣裝出若無其事， (點樣=怎麼樣)
我都冇辦法唔承認，
我失去嘅嘢實在太多喇！
我要走喇！如果你記得番我係邊個， (記得番=記回)
我知道，你一定會好唔捨得我！
仲會好掛住我嘅！再見！ (仲會=還會; 掛住=想念)
香港
高雄
留言列表
