close
2008年11月1日 星期六 晴時多雲 熱
終於都換咗我部綿羊仔啦
我揸咗部車咁耐, 部車越嚟越大煙,
次次朝頭早撻着咗之後就噴一堆白煙出嚟,
整到成個地下停車場都係煙. 真係好鬼頂唔蒲!
忍咗好耐架喇. 成日都覺得對啲鄰居好唔好意思咁
而且佢又噴到個車牌都見唔到啲字,
噴到啲油喺個車牌度流落嚟
有時唔記得咗, 條褲hi埋去就瀨野啦.
唔係因為個環保局寄信嚟叫我去驗車,
我都冇諗住要換過部車啦.
而家揸部新車直頭係好開心啦梗係!!
仲駛講嘅?!! 哈哈….
綿羊仔= 機車(scooter)
朝頭早= 早上
揸= 拿; 揸車=開車
耐= 久
撻= 發動(start)
好鬼= 非常很
頂唔蒲= 受不了
條褲= 那褲子; 條(數量詞)
hi埋去= 碰到(靠過去)
瀨野= 中招
諗= 想(思考)
直頭= 簡直
梗係= 當然
仲= 還
駛= 用, 要; 駛唔駛=要不要
全站熱搜
留言列表