要觀看內容, 請將右邊正在播放的音樂播放器或影片檔暫停
其實做香港人, 真係悶到抽筋!
不如, 我哋睇吓香港人嘅一生!
珊珊話: 我哋一出世開始, 已經掙落4百萬!
阿爸阿媽為咗搏我入名校, 專登買咗間豪宅, 呢份養育之恩, 實在太矜貴喇!
入到大學, 借得關loan, 就預咗要還, 點知啲利息, 仲貴過啲豪宅! 唉!
出到嚟, 諗住終於甩難啦! 點知關loan都仲未還!
世伯伯母又話買層樓, 先俾你過關! 唯有死死氣, 儲錢買層豪宅囉!
從此, 又要捱到金晴火眼!
都仲未算, 稅我交足哂, 政府又話: 要交強積金, 跟住再嚟醫療強迫金,
真係唔慌唔甘呀!
去到咁上下, 諗住生番個玩吓!
點知奶粉學費尿片, 乜鬼都加!
老婆仲話, 不如搬去名校區, 買番間大啲嘅豪宅!
呢筆長命債, 咪又係等個仔嚟還!
得閒想消吓悶氣, 扭開電視, 又係啲爭產戲呀!
睇新聞, 見到政府施政都幾兒戲!
十幾萬請幾個新丁返嚟, 我交埋啲稅, 就明益佢自己,
有啲政黨, 保皇仲保到落腳指尾!
連揀特首都唔預你, 淨係睇吓領導人, 交足戲, 抆吓邊個嘅衫尾,
想話睇多幾場精彩嘅debate, 佢就話: 等多十年都未必ok!
做人都係想有得揀啫! 點解要咁屈機吖?
做香港人, 真係做到冇哂心機呀!
嘩! 稅單又嚟? 唉! 谷鬼氣呀!
睇嚟臨老我哋都係要靠自己喇!
唉! 阿仔, 唔該你爭爭氣啦!
咁就一世: 這樣就過一生 悶: 無聊 掙落: 欠下 搏我: 拚命讓我
專登: 故意 關loan: grant loan助學貸款; grant的音接近「關」的音.
預咗: 預定, 有心理準備 甩難: 脫難 死死氣: 心不甘的, 無奈的
金晴火眼: 這詞是指人的虛火上升以致眼睛露紅絲, 表示工作辛勞下的疲勞樣子.
仲未算: 還不算 唔慌唔甘: 不怕不甘苦. 這是反語, 直接的意思就是非常苦
咁上下: 差不多時候(程度) 咪又係: 還不是要～ 益佢自己: 給自己好處
唔預你: 沒你的份 抆衫尾: 依從附和別人的目的意志. 抆=扯; 衫尾=衣角
屈機: 委屈 冇心機: 沒有鬥志, 失去某種信心心思
谷鬼氣: 谷氣是指生悶氣; 「鬼」是加重語氣用的. 臨老: 到老的時候
香港
高雄
留言列表
