數臭姐夫 @ Sheila的廣東話世界

陳加玲數臭姐夫林國雄「陳秀雯慘過周慧敏100倍」

(明報) 12月14日星期日 05:05

【明報專訊】早前陳秀雯寓所及大埔亞視片廠外均被貼追債大字報，據說涉及03年一筆曾被入稟法庭追討93萬元的欠債，但陳秀雯及其丈夫林國雄多年來只還了10多萬，兩名債主於是找追數公司幫手。之前陳秀雯回應時，指是「林先生」有些錢銀瓜葛，她只是被人拉落水，雙方律師正處理中。陳秀雯胞妹陳加玲前晚出席活動談及此事即時扯火炮轟姐夫，指對方多年不事生產，借她錢不還，覺得家姐比周慧敏慘100倍。

「不事生產多年來家姐養」

久未露面的陳加玲前晚身穿低胸晚裝出席BMW7系晚宴，透露近期不開心躲在家中。問到是否因姐姐陳秀雯欠債報道影響心情？

她即時扯火說﹕「一講我就嬲，姓林嗰個人真係好過分。（是否指姐夫林國雄？）我無認過佢係我姐夫，自從佢『嫁』咗畀我家姐後，我哋屋企真係無好過，因為佢不事生產，咁多年都要我家姐養佢，我家姐賺千幾萬都畀晒佢，當年媽咪重畀錢佢開地產公司。其實邊個養邊個都無所謂，千祈唔好拖累屋企。家姐照顧佢20幾年，佢做過啲乜？講就天花龍鳳，成日話畀人呃。」

借300萬不了了之

有否借過錢給對方？陳加玲說﹕「1997年我賣咗清水灣層樓套現1000萬，佢知道就問我借300萬，我睇在家姐份上借咗畀佢，點知3個月後佢致電給我，話畀人呃咗錢，Sorry都無句，好似唔關佢事。半年後媽咪肺癌病逝，臨死前都放唔低，好擔心家姐跟住呢個人，做男人做到佢咁，過不到人亦過不到個天。（屋企人可有借過錢給他？）媽咪過身前應該借過近200萬，嗲哋都不少。」

「如果家姐離婚我會照顧佢」

她繼續勞氣說﹕「我足足忍咗佢十幾年，佢重教家姐疏遠我哋，我覺得佢不還錢不特止，連一聲交代都無。我有同家姐講佢問我借錢，回覆竟說佢唔記得有此事發生過，我打畀佢，佢竟然說﹕『嘩，你叫我還錢即係玩我啫！』」

陳加玲續道﹕「之前我見到貼大字報的報道，我致電給家姐，我無叫佢離婚，知道愛情係盲目的。不過跟周慧敏個男人比，呢個男人程度嚴重10倍。如果周慧敏要分手，我家姐是否要離婚？如果家姐離婚我會照顧佢，我哋成家都係受害者。（是否擔心家姐？）當然擔心，但是她的選擇，近兩年都疏遠少聯絡。（日後你揀老公或男友是否更小心？）梗係要，要帶眼識人，如果覺得周慧敏慘，我家姐重慘100倍！」

     記者就陳加玲的言論致電陳秀雯，但至截稿前仍未有回覆。

數臭: 把臭事都數出來的意思          ～慘過～: ～比～更慘(可憐)
追數公司: 討債公司           錢銀瓜葛: 金錢糾紛          扯火: 燃起心中怒火的意思
家姐: 對胞姐的稱呼         嬲: 生氣         嗰個: 那個
畀: 給的意思. 也可用「俾」或「比」表達意思, 在報紙或雜誌大都用「畀」或是「俾」
屋企: 家裡          畀晒: 全給的意思, 「晒」含有全部, 完全的意思.
重: 還(會), 更(會)的意         邊個: 誰          千祈唔好: 千萬不要
啲乜: 「啲」是的或是那些, 一些的意思. 「乜」是什麼的意思.
天花龍鳳: 天花亂墜         成日: 整天          呃: 欺騙
層樓: 房子的意思. 「層」是數量詞, 「樓」是樓房         睇: 看        點知: 誰知道
放唔低: 放不下         咁: 這樣, 那樣         過身: 過世         勞氣: 煩躁生氣
～不特止: 不只～         同: 「和」「跟」的意思         成家: 全家的意思
揀: 挑選的意思         梗係: 當然         帶眼識人: 睜眼看人
重慘: 更慘, 更可憐的意思