2009年1月1日 星期四 晴時多雲 凍凍凍
合皮扭耳呀!!!!!
尋晚係New Year Eve,
我哋去咗夢時代嗰度一齊同人count down
今年好似真係多咗好多人嚟呀!!
夢時代個地方夠晒大, 又有地鐵可以去到嗰度.
可能係咁所以今年真係好多人.
高雄市陳菊市長梗係會嚟啦!
佢都話今次有超過30萬人嚟一齊倒數喎!! 真係好勁喎!
不過好戲係起走人嗰吓!! 我哋要打道回府嗰時….
嘩! 成咋人喺個地鐵站個入口塞晒喺度,
又唔行得, 又唔郁得, 就係慢慢咁「移動」嗰吓先死呀!
本來地鐵話開到2點架, 後尾話要延到3點喎!
我哋就坐喺側邊啲花槽嗰度等, 等吓等吓…
哦, 地下有個銀包喎! 執嚟睇吓係邊個跌咗嘅?!
結果冇人認喎!! 係咁易睇吓入面啲嘢啦, 原來佢入面係冇晒啲錢架!
唔駛諗嗰個人係俾人打咗荷包囉!! 收尾我哋就慢慢咁「移動」落地鐵嗰陣時,
將個銀包交俾個地鐵職員囉!!
啲咁嘅環境仲唔俾人打荷包至奇啦!! 啲人直頭塞到冚呀!!!
HAPPY NEW YEAR 2009!!!!!
合皮扭耳: 來自英文happy new year的發音 尋晚: 昨晚 夠晒: 晒(完全的意思), 完全足夠
走人: 閃人, 離開 嗰吓: 那個時刻 成咋: 整批, 整堆 郁得: 能動 先死: 才糟糕
執: 撿 邊個: 誰 跌咗: 掉了 係咁易: 稍為, 隨意 打荷包: 扒竊錢包 至奇: 才怪
直頭: 簡直是 冚: 虛冚的「冚」; 「滿」的意思 
夢時代聖誕樹燈飾, 整得太簡單啦!
摩天輪影唔晒啦! 太近啦!
高雄市長梗係要講番一輪嘢先得啦!! 不過影得唔夠清楚喎!!
倒數完即刻放煙花, 呢個時候就係2009年啦!!
今次話有個叫摩天輪煙花, 識會轉個喎!! 又真係識轉架! 綠色嗰個就係啦!
但係個相機影唔到佢轉個樣囉!!
煙花喺摩天輪前面放呀! 我諗唔去嗰度, 嚟遠啲地方睇過去仲好睇囉!
睇吓地鐵站入口, 人塞人呀!!! 呢個時候係1點幾就嚟2點啦!!
連條馬路都行唔到車啦!! 幾勁呀!! 有冇見到中間有部銀色嘅車? 就係塞住喺度囉!!
呢邊係去機場方向嚟架!! 睇吓啲人, 高雄好少見到咁樣個喎!!
要觀看影片內容, 請按暫停背景音樂(粉紅色的播放器)
真係離遠睇會好睇啲喎, 不過喺現場睇會有一種爆破嘅震撼感呀!!
留言列表
