要收看內容, 請按暫停右邊正在播放的音樂播放器或影片檔
歡迎大家收睇香港倒後鏡, 咁仲有幾日呢就係農曆新年, 咁我响度首先恭祝大家龍馬精神先!
咁我呢亦都喺呢度祝大家响新嘅一年呢, 萬事如意同埋身體健康!
咁其實除咗過年之外呢, 香港仲有好多節日同埋呢個慶典呢, 都係非常之有特色嘅! 咁但係因為時代嘅進步啦, 儀式已經一切從簡喇!
嗱, 好似以前一年一度响長洲舉行嘅太平清醮咁呀, 每年都吸引咗唔少遊客去到嗰度參觀個喎, 唔知大家仲記唔記得當時場面好虛冚嘅, 搶包山!
太平清醮, 係香港好有特色嘅傳統節日之一, 每年到咗農曆四月, 長洲嘅居民都會雲集喺北帝廟前, 擲杯定期, 決定舉行太平清醮嘅日子嘅. 太平清醮喺長洲舉行已經有百幾年歷史, 巡遊嘅目的, 據講係祭祀同埋超度喺130年前, 俾海盜所殺嘅亡魂, 同埋保佑長洲居民安寧, 喺巡遊裡面節目眾多, 而最精彩嘅呢, 就係搶包山喇! 搶包山之所以咁刺激, 因為長洲居民都認為能夠搶到包山嘅包, 全家人喺一年裡面就會行好運, 而且搶得越高個包就越好運喇! 由於每個人都希望搶到最高嘅包, 自然就會出現你爭我奪嘅場面, 結果, 喺1978年5月10日終於發生意外喇! 正當大家興高采烈咁搶包山嘅時候, 突然間, 其中兩座包山冧咗落嚟, 當時, 呼叫聲, 救命聲, 瀰漫住整個會場, 但係大家可以睇到中間嘅包山已經冧咗喇! 而左手邊個包山, 搶緊包嘅人仍然係咁狂熱咁搶包! 由此可見, 長洲人對呢個節日, 係非常之狂熱嘅! 結果喺呢次冧包山事件裡邊, 總共有28人受傷, 喜慶場合變成悲劇收場. 自此以後, 為咗防止慘劇再度發生, 政府就禁止搶包, 而改為派包喇! 而搶包山咁震撼同埋刺激嘅情景亦都從此消失喇!
各位觀眾, 我而家就喺銅鑼灣大坑, 咁每年一到中秋節呢, 呢度附近嘅居民呢就會舉行一個舞火龍慶典架! 咁場面就非常之熱鬧個喎! 咁其實舞火龍有百幾年嘅歷史, 但係正式係幾時開始, 就連附近嘅街坊都唔係好清楚.
大坑舞火龍大約有百幾年嘅歷史, 據呢度啲老街坊講, 大坑原本係一條客家農村嚟嘅, 村民以耕種同埋打魚為生, 有一年, 呢度發生風災, 跟住大坑就發生瘟疫, 當年死人無數, 搞到啲村民個個都寢食不安, 雞犬不寧, 於是, 有父老提意响中秋佳節, 圍住條村嚟到舞火龍燒炮仗, 希望可以驅除瘟疫喎! 火龍舞完之後, 由於炮仗嘅硫磺同埋香火係有殺菌作用嘅, 果然將啲瘟疫消除咗. 自此之後, 中秋佳節, 大坑嘅村民都會舞火龍, 祈求風調兩順, 合家平安架! 呢條像象徵吉祥嘅龍, 紮作方法非常之講究架! 龍身全長220呎, 除咗龍頭龍尾之外呢, 龍身分為32節, 原來呢個係有規定架! 多一節同埋少一節都唔得架, 龍身全部都係用珍珠草紮成, 全身插滿咗長壽香, 所以有火龍之稱, 到咗今日, 每年中秋佳節前後三日, 大坑嘅街坊都會以舞火龍共慶團圓嘅!
太平清醮同埋大坑舞龍真係各有特色嘅!
响度: 在這裡, 「响」可以用「喺」「起」, 有三個不同表達的發音.
喺呢度: 在這裡, 也可以講「喺度」, 這是個人說話習慣.
同埋: 和, 英文是and 嗰度: 那裡 仲: 還 虛冚: 形容熱鬧, 人潮湧湧的狀態.
俾: 給 冧: 在這裡是「崩塌」的意思, 因為這是一個借音字, 所以有可能會用在其他意思上.
搶緊: 正在搶, 「緊」是代表正在進行的動作. 搞到: 弄成 條村: 這個村; 「條」是數量詞
燒炮仗: 放鞭炮; 「炮仗」是鞭炮 啲: 一些, 那些, 一點的意思 唔得: 不行, 不可以
後記: 長洲不是沒去過, 但是都沒有在太平清醮的時候去. 而且搶包山也只是在這個舊節目裡才看到的, 現在都沒有這個了. 那個時候也沒人會帶我們去, 長大了也沒有特意去看這個慶典. 可能真的要找一次去看看, 當一下遊客也好.
留言列表
