close
要收看內容, 請按暫停右邊正在播放的音樂播放器或影片檔
呢度係九龍城嘅南角道, 咁我細個嘅時候呢, 就曾經住過呢度南角道, 好o靚仔嘅時候好細個吓嗰陣時, 咁呀當然住喺呢度呢, 都係好似流浪漢, 乞兒仔咁架喇!
咁而呢度對面呢, 以前係九龍城寨嚟架! 即係有個城牆喺度, 九龍城寨, 咁呀係滿清租借九龍區俾英國統治九十九年, 就喺呢度九龍城寨為一個交界.
咁呀九龍城寨入邊呢仲有城牆仲有城門個喎! 入邊呢仲有好多人供奉裝香拜嘅猴王廟, 香火係好鼎盛嘅!
咁呀, 自從香港回歸之後呢, 咁呀英國就撤退啦, 離開咗香港喇, 咁呀, 英國佬走咗返英國之後呢, 中國當家作主, 咁呀將滿清以前遺留落嚟嘅九龍城寨呢個咁有歷史價值嘅古蹟就全部拆哂! 咁呀, 又唔係攞嚟起建築喎, 就做一個好大嘅公園, 入邊係有足球場, 籃球場, 踩單車場, 細路仔喺嗰度嬉戲, 玩樂嘅, 一啲健康嘅遊樂場地.
咁樣個古蹟呢, 如果能夠保留呢, 係好有歷史價值嘅! 佢可以見證到由清朝至到英國殖民地統治香港至到今時今日, 中國人站起來, 但好可惜呀, 呢啲咁有歷史價值嘅九龍城寨逃唔過拆卸, 咁呀而家種滿咗一啲花草樹木啦! 又有另外一種新景象. 不過古蹟就冇咗喇! 係非常之可惜架!
o靚仔: 在此可解釋為黃毛小子 細個: 小, 小孩時期
入邊: 裡面 裝香: 插香
後記: 九龍城寨, 我沒去過, 這個是很多香港人的歷史記憶, 也曾是香港政府的頭痛對象. 而九龍城這個地方只是我坐車子常經過的地方, 從國外回香港, 從香港到外國. 但是在聽到要拆掉九龍城寨的消息時, 我還是覺得很可惜!
香港
高雄
全站熱搜
留言列表
