『本人好少黎呢個區,因為我都好後生, 未結婚未有細路!
今日搭mtr見到一家人, 父母同兩個仔, 細仔就好似小學/form one左右.
我冇留意佢地講咩, 只係聽到爸爸對住細仔講:"唔好做律師,你個阿叔係細律師行做, 搵唔到食,你老豆唔係有錢佬, 冇人士關係, 幫唔到你入大行..." "個阿媽話:"做醫生最好" 爸爸又話:"叫做好d, 可以係急症室撈下, 錢又多d..."
父母當然望子成龍, 個價值觀都錯晒, 做到律師都好叻, 一個細路點識呢d野, 講埋d咁既野, 根本係父母對環境既不滿渲染!』
『做人父母當然想望子成龍 望女成鳯啦,我都有仔女, 所以我絕對明白, 但我覺得唔係幫佢決定將來要做d咩行業, 一來對小朋友來說, 真係好大壓力, 二來個職業未必係佢既兴趣, 三來下下都以金錢既多少來衡量一份職業既好與壞, 令到小朋友長大會拜金主義, 睇唔起其他人...要教佢地, 係應該話俾佢地, 小時要好好地讀書, 識返d知識, 咁大個咗先容易搵工, 最重要係盡力而為問心無愧.......
我識得一個c9, 四五十歲, 有個女十八歲, 學校有好多男仔追, 間住個c9話, 冇百萬豪宅同身家唔好要呀, 你睇下人地李嘉欣結婚結得几豪....嘩, 真係當個女係咩呀, 養大咗攞來賣咩??!! 不過天下間, 好多呢類父母..唉...我一定唔會....我但求乖乖地, 聽聽話話, 健健康康咁做個踏實既人喇..』
『我都有兩個小朋友﹐我成日同佢地講﹐大個做咩都無所謂﹐只要吾好學壞就得。吾好要家人擔心就好喇﹗﹗﹗』
『我都好無奈, 一係父母識教而仔女唔聽教, 一係父母唔識教而仔女好聽話』
『香港係咁現實, 多數父母都唔想子女做D收入低的工作 (不過律師應該都叫專業人士, 就算細行都收入不俗, 但我估佢個阿叔只係師爺.....)
始終中國式思想都係想「搵多個錢」, 再發展香港式的要「搵多D錢」.
香港低收入確是難過生活....一家四口, 如果兩三萬都叫ok, 但就唔係「好好洗」.』
資料來源: http://www30.discuss.com.hk/redirect.php?tid=8659557&goto=lastpost
後生: 年輕 細路: 小朋友 仔: 兒子 細仔: 小兒子
係細律師行: 「係」在這裡是「喺」, 在的意思. 因有些人用相似字代替意思. 「細」是小的意思.
搵唔到食: 「搵」找的意思; 這句的意思是賺不到多少.
老豆: 老爸 有錢佬: 有錢人 入大行: 進入大的公司的意思
好d: 「d」是「啲」, 有些人求方便, 所以用同音字. 好一點的意思
撈下: 可以解釋為上班, 工作, 做事 叻: 棒, 厲害 點識呢d野: 怎麼懂這些事情
講埋d～: (儘)說這些～ 既: 是「嘅」, 打字求方便, 所以有人會只打相似字. 仔女: 兒女
做(d)咩: 做(哪些)什麼 下下: 每次 識(返)d: 學(回)一點 大個咗: 長大了 搵工: 找工作
c9: 師奶;「c」和「師」同音, 「9」的英文發音和「奶」的音接近, 太太的意思 追: 追求
間住: 應該是「跟住」, 跟著的意思. 這是個人發音有誤的問題.
几: 這是「幾」字. 有些人習慣了一些簡體字. 多麼的意思.
吾好: 「吾」是「唔」, 同音字. 有些人用「吾」. 不要的意思
得: 行, 可以的意思 一係: 可以解釋為不就是, 不然的意思 識教: 懂得教 細行: 小的律師行
估: 猜 搵多個錢: 賺多一個錢 搵多D錢: 賺多一些錢 好好洗: 很好花
後記: 現在這個拜金主義, 我想不只在香港才有. 到處都有這種人的存在. 其實因為生活的問題. 不就是為了下一代生活比上一代更好, 父母也不希望兒女過得比自己差. 生活生活. 造就了我們. 悲哀!!
留言列表
