吊腳褲－Sheila的廣東話世界

要觀看影片內容, 請將右邊正在播放的音樂播放器或影片檔暫停

Hello, 知道林峯呢就嚟要開show喇, 咁...對我嚟講呢, 我都自從係上年嘅港姐表演之後呢同佢開始熟絡, 咁佢又係我嘅唱片公司嘅同事, 咁所以份外有陣時見到佢都會傾多兩句咁嘅!

咁...我對林峯嘅感覺其實...一路, 除咗佢係靚仔之外呢, 我亦都覺得佢好勤力嘅, 而且佢真係對..無論音樂呀, 或者成個自己嘅 performance 都好緊張嘅, 咁...但係呢我覺得佢太忙啦! 咁呀因為兼顧拍劇啦, 又要唱歌啦, 又要出席好多嘅 function, 咁...唔多唔少我好相信呢, 要開演唱會呢就要開始識得去取捨一下啦! 咁...希望, 唔...喺演唱會之前佢哋有充足嘅時間去休息同埋去準備佢嘅演唱會啦, 始終紅館呢個舞台, 係好難得先可以有一次嘅表演機會, 咁我希望佢一定好滿意自己第一次嘅個人演出, 喺度恭喜佢, 亦都希望到時..即我可以嚟到支持佢啦!

同埋其實近排呢, 我自己留意到林峯呢, 係有一個對吊腳褲嘅興趣架, 我好希望呢...係着鞋唔着襪同埋吊腳褲嘅興趣, 咁我好希望到時睇佢嘅紅館演唱會, 睇吓佢會着幾多...會數到佢着幾多條吊腳褲啦!!

就嚟: 快要     上年: 去年     熟絡: 熟識熱絡, 熟絡=熟落
有陣時: 有時候     傾: 聊, 談     勤力: 用功     成個: 整個
識得: 懂得     先: 才, 才會     喺度: 在這裡     即: 就是
同埋: 還有     近排: 最近     吊腳褲: 八, 九分長褲     着: 穿

後記: 林峯要開演唱會, 林峯要開演唱會啦!!!!