阿月－Sheila的廣東話世界

要觀看影片內容, 請將右邊正在播放的音樂播放器或影片檔暫停

當主婦走出邊界可以的話我想變壞
慘得過早已承受千夫所怪
想表態我想表態新浴缸裡找新境界
慘得過幫你湊仔洗衫抹地板

「月姐！」「媽咪嚟囉喎！等等吓！」「拜拜！」
「喂，係呀！我周不時都幫啲隔離鄰社湊吓啲BB咁嘅！」
「嘻，我呀真係情願對住個BB仲好過對住十三隻啦！哦，啲BB同你笑吓，咪成隻四萬咁囉！」

「我...I am....」「你係阿月係嘛？」「係呀！係呀！我嚟見工架！」
「你未做過陪月個喎！係嘛？」
「係未正式做過！不過如果你哋肯俾個機會我試吓...」
「咁你有冇讀過嗰啲再陪訓班？即同陪月有關嘅課程呢？」
「冇呀..」「冇証書呀！？」
「阿月呀！唔使咁煩喇！聽日唔使煲咩薑水喇！」
「薑水驅風呀！太太，生完仔入好多風架！」
「都洗咗成兩個禮拜啦！洪生係醫生，佢話冇問題就冇問題啦！你慳啲功夫咪仲好！」

「呀，係呀，我阿媽呢，佢唔想Pency佢返去我外母度坐月呀！」
「講開你阿媽喎，你阿媽年紀又大又唔識湊BB，仲意見多多喎！哎，一陣間呀，佢騰上騰落呀發生啲咩事呀，你同我都唔安樂呀！」
「好聲呀！小心BB個肚臍唔好整濕呀！」「得架啦！」
「哎呀，以前呢，我哋實會將條毛巾放喺佢心口度，拍吓佢心口仔架！」
「奶奶呀，得架喇，月姐有經驗，佢知點做架喇！」
「你哋啲後生知咩呀！如果BB個肚臍入咗風呀，好麻煩架！」

「其實你們陪月是不是就陪一個月啊？」
「其實也不一定！就睇你哋需要囉！」
「係呀，月姐呀，你知唔知邊度可以買到啲靚嘅薑醋呀？」
「呀，不如咁呀！如果你唔介意我幫你煲埋都得架！我煲啲薑醋呀，包你呷完仲想再呷呀！」
「月姐，你知啦，我咩都唔懂呀！琴日呢，我見到BB嘔奶呢，我就驚喇！」
「湊BB呢，就千祈唔好亂諗嘢！最緊要放鬆啲！」
「嗱你見我呢就梗係同佢沖完涼先至餵奶，咁餵到一半呢就至緊要同佢掃吓風先喎，咁飲完奶啦，就要抱佢半個鐘至好擺落床瞓！」

「早兩日個女先問我呀，佢話第日我生BB你會唔會幫我湊呀咁？我話會，不過你要早啲預約喎，呅得滯我未必得閒架！」
「係呀，我係阿月呀，想搵人陪月呀？哦，冇問題呀！」

湊仔: 照顧小孩     周不時: 三不五時     隔離鄰社: 鄰居; 隔離=隔壁
十三隻: 打麻將的意思     四萬: 嘴巴像麻將的四萬的四字一樣的張開高興而笑
見工: 面試; 找工作     慳啲: 省一省     外母: 岳母     講開: 一講到
唔識: 不懂     一陣間: 一會兒     騰上騰落: 走上走下     好聲: 小心
心口: 胸口     奶奶: 婆婆     後生: 年輕人     煲埋～: 連～也煮     琴日: 昨天
嘔奶: 吐奶     千祈: 千萬     梗係: 當然, 一定     沖完涼: 洗完澡
掃吓風: 拍一下背讓胃氣吐出     擺落: 放下, 放到     第日: 改天
呅得滯: (時間)太晚; 「呅」是有音無字, 所以在此借用「呅」字表達, 意思是指時間快要結束才完成或才做; 「得滯」是指過頭的意思.
得閒:有空