Sheila的廣東話世界

40歲大樹失救 港大「揮淚斬石栗」

(明報) 2009年6月27日 星期六 05:05

【明報專訊】香港大學    中山廣場一棵逾40歲嘅石栗，有成4、5層樓高，都算港大地標之一。不過，樹木專家、港大地理系講座教授詹志勇噚日同Emily講咗個壞消息，就係棵樹因為受真菌入侵，經過多月治療都搞唔掂，嚴重腐爛，噚日要忍痛斬咗佢。

詹教授話，3月時已發現棵石栗嘅腳有真菌入侵，出咗啲菇菇，多月來又探測又打針，日前終告「搶救無效」。佢話擔心颱風逼近，棵樹隨時會倒塌，為避免人命損失，只好「揮淚斬石栗」。 詹 教授好傷心，佢話棵石栗由佢讀書到依家喺港大工作，已陪伴咗佢30年。

不過詹教授同時宣布一個喜訊，佢建議喺石栗附近、即中山廣場嘅中央位置種一棵全亞洲最靚、有粉紅色花嘅「節果決明」。佢話呢種樹可生長至15米 高、樹冠15米闊，樹頂嘅花盛開時好似一把大嘅太陽傘。呢棵節果決明將成為港大嘅新地標。 詹 教授話，由於由樹苗開始種起，大家可能要畀少少耐性，等多十幾年先見到呢把「太陽傘」喇。

每日返工、放工都見到棵石栗嘅港大副校長徐碧美亦好唔捨得棵樹，話同佢「絕對有感情」。學生會內務副會長成曉宜亦話好可惜，「樹齡40年真係好難得，好多學生都喺樹蔭下活動過」。佢期望校方盡快種番另一棵樹。

 
香港大學中山廣場嘅石栗樹有4、5層樓高，係港大地標之一，不過因真菌入侵，搶救無效下要斬走。噚日有隊10人斬樹隊將棵樹斬咗落嚟，記者去到時已經得番條樹幹。（葉漢華攝）


有成: 足足有     噚日: 昨天     同: 跟, 向, 和    
講咗: 說了, 告訴; 這裡如果是英文就是「told」
棵樹: 這棵樹     搞唔掂: 弄不好     出咗啲: 長出了一些 
佢話: 他說; 這裡的「話」是有複述的含意, 英文是「said」
依家: 現在; 也可以用「而家」     喺～: 在～     闊: 寬
畀: 給; 也可用「俾」「比」     少少: 一點點     先: 才     亦話: 也說
種番: 種回     斬走: 砍掉     去到時: 到的時候     得番: 剩下, 只剩

Sheila於2009/07/03 21:56回覆

歡迎你大駕光臨!我訂閱你的部落囉!!

不好意思, 我看不太懂注音的.

如果是「昨」字, 是zok3, 入聲第8聲, 口語是cam4 或是 kam4, 第4聲

而「返」的音應該是甫晏切才對.

faan1 or faan2甫遠切變成 fyun1  <<<廣東話應該沒有這個音.

歡迎常來哦!!

 老古於2009/07/03 22:33 回應

「昨」客家話讀若coˇ，但「作」讀若zok3，兩者皆從「乍」音。「作甚麽」的「作」，客家話讀若zongˊ而閩南話讀若 congˋ（-k 轉成 -ng之緣由請參考 http://tw.myblog.yahoo.com/jw!YyBLi7OaGxDMVFuCDA--/article?mid=556&prev=1056&l=f&fid=9）。「昨」閩南話讀若zangˊ與粵語 cangˇ相近。今「昨晚」之「昨」粵語讀若 cam4 當係受晚 manˊ聲母 m 同化的影響從 cangˇ轉為cam4 。

「返」與「番」在普通話、客語，兩者音極相近，只有聲調不同。

以上一下子可能不容易搞清楚, 只能慢慢來了。

香港
高雄