要觀看內容, 請將右邊正在播放的音樂播放器或影片檔暫停
半個蘋果
「多多, 俾半個蘋果你食吖!」
點知, 盲女美美手上面嘅蘋果跌咗喺馬路上面喎! 於是, 佢就去執喇! 就喺呢個時候, bong一聲, 一架車衝出嚟, 將美美撞死咗呀! 而同佢一齊行嘅小狗多多, 為咗救佢, 亦都撞死埋呀!
過咗冇幾耐, 佢哋慢慢咁飄吓飄吓, 向住天堂嘅方向飄去. 喺路上, 一個天使攔住咗佢哋, 仲話俾佢哋知, 只有一個可以去天堂, 而另外一個就要去地獄, 佢仲提議佢哋以競跑嘅方式, 嚟爭取去天堂嘅名額.
為咗公平起見, 美美呀, 仲可以重獲光明添呀!
「嘩, 嘩, 我見到喇! 咦! 多多, 原來呀, 你比我想像中仲靚呀!」
美美第一次可以用雙眼見到多多喇!
「汪汪, 太好喇! 主人! 你終於可以見到我喇!」
比賽開始喇! 美美見到多多冇搏命跑喎! 而係呀, 慢慢咁相依而行! 於是, 美美就好嬲喇!
「多多呀! 我已經唔係盲㗎喇! 你唔使再帶住我行路, 你快啲走啦!」
但係多多仍然堅持跟隨住美美, 當離終點越嚟越近嘅時候, 美美叫多多停低!
「多多呀, 好多謝你呀, 為我黑暗又孤獨嘅世界帶嚟咗光明同埋快樂! 你已經受咗好多苦㗎喇! 而家仲要為咗救我而死咗! 所以, 你係應該去天堂㗎!」
美美講完, 立刻向多多發出咗前進嘅指令, 而自己就向地獄嘅方向行去.
就喺多多到達終點嗰一剎那, 佢突然擰轉頭, 追趕住美美, 一追到, 佢用雙手緊緊咁攬住美美隻腳.
「汪汪, 主人呀! 你唔好抌低我啦! 係你收留咗我, 等我結束咗地獄般嘅流浪生活, 有咗一個安全又舒適嘅屋企, 有你嘅地方, 就係我嘅天堂呀!」
唔理美美點樣掙扎, 多多都唔肯放手. 就喺呢個時候, 天使突然伸出佢嘅翅膀, 攔住咗美美同埋多多, 佢仲話.
「估唔到, 因為半個蘋果而引發嘅意外, 竟然俾我睇到咁感人肺腑嘅人狗情! 我希望世人要善待動物, 因為佢哋都係有情有義㗎! 好喇, 就等我為你哋開啟去天堂嘅大門啦!」
「令我最深印象就係我要扮演一個盲人啦! 咁我令我初次體驗到一個盲人當佢睇唔到嘢嘅時候, 嗰種徬徨同埋失落.」
「講古仔呢其中個高潮係好重要嘅, 佢高潮嘅鋪排呢仲可透過改變佢嘅節奏, 例如有啲地方佢可以略慢, 多啲懸疑性, 有啲地方緊張啲, 然後帶我哋去到最後嘅高潮, 古仔設計得好好, 好有教育意義, 好溫馨! 我覺得佢講得真係好好!」
點知: 哪知道 執: 撿 埋: 也, 都, 一樣的含意, 回應「亦都」 冇幾耐: 沒多久, 不久
添: 也加上, 更加的含意, 回應「仲可以」 同埋: 還有 擰轉頭: 轉過頭
攬住: 抱住 抌低: 拋下 估唔到: 想不到; 估=猜想
後記: 這個故事非常感動人, 而這位女同學的確說得很好, 感情語氣都很好! 我也被感動了! 
大家可以嘗試跟著她把故事朗誦出來啊!!!
香港
高雄
留言列表
