要觀看內容, 請將右邊正在播放的音樂播放器或影片檔暫停
「咩名呀?」「香香俠!」「炯炯俠!」
「真名?」「朵嚟嘅!」「係囉! 啲江湖朋友俾面啫!」
「關我鬼事呀? 真名呀?」
「幾歲呀?」「二十…二!」
「廿二? 張form話你失咗業十年㗎喎! 你十二歲出嚟撈呀?」
「想做邊行呀?」
「嗯..有啲挑戰性咁就最好啦!」
「咁有乜專長吖?」
「我揼骨好好手勢!」
「哦, 好, 你咁靚仔, 實冧到好多闊太啦!」
「唔得唔得! 我老公只係揼我㗎咋! 唔可以揼其他女人㗎! 你仲有啲咩好工啱佢做呀?」
「咁你有咩專長吖?」
「我..眼力好好嘅! 我可以睇得好遠㗎, 同埋..我好好打囉!」
「咁介紹你做停車場看更啦!」
「停車場看更? 有冇啲有挑戰性一啲嘅呢吓?」
「咁呀, 銀行看更囉!」
「咁你有咩專長呀?」
「我香囉!」
「有point喎! 一表人才, 唔洗廁所嘥哂吖!」
「喂, 我老婆唔可以洗廁所個喎! 不過佢都好好打㗎佢! 一個打十個㗎! 有冇第二份工啫?」
「咁好打? 企喺廁所門口做看更囉!」
「其實呢我哋過慣咗刀光劍影嘅生活, 想過返啲平淡啲嘅人生啫!」
「係囉! 好似啲白領咁呀! 坐喺度唔使郁, 聽下電話嗰啲工呢! 不過最好有啲挑戰性咁啦!」
「超! 咁咪即係做看更!」
「曉! 你講極都唔明嘅!」「你講你都唔明嘅!」「你個人都幾萌塞個喎!」
「我都話咗唔好轉行㗎啦!」
「係呢行俠仗義咪好地地囉! 學咩人扮低調吖! 唉!」
「唔搵喇!」「唔搵喇!」「我哋一於做返神奇俠侶算啦!」「都唔知點…」
朵: 名號, 外號 撈: 做事 邊行: 哪一行業 揼骨: 捶背按摩 手勢: 手藝, 技術
實: 一定, 肯定 冧: 哄 看更: 守衛 嘥: 浪費 郁: 動
超: 粗口的諧音 咁咪～: 那不就～ 曉: 粗口的諧音 講極: 一再說(解釋)
萌塞: 請參考http://tw.myblog.yahoo.com/sheila-cantonese/article?mid=158
一於: 乾脆索性
香港
高雄
留言列表
