要收聽內容, 請將右邊正在播放的音樂播放器或影片檔暫停
你哋知唔知呢個入面係講咩㗎呢?
聽真啲睇吓係講咩嘅先啦!
訓練一下聽力先啦!
你哋可以將你聽到嘅寫喺留言度㗎. 睇吓你可以聽到幾成?
我過幾日先會將個內容再po出嚟㗎啦.
你哋=你們; 入面=裡面; 咩=什麼; 聽真啲=認真聽一下; 睇吓=看一下;
寫喺…度=寫在…裡; 先會=才會
好了, 已經過二天了, 你們聽到了多少? 這篇應該不難吧. 現在看看下面內容吧.
各位早晨! (早晨=早安)
喺電視廣播入便聽到劉德華講: (喺=在; 入便=裡面)
「今時今日,咁嘅服務態度已經唔得㗎啦!」 (咁=這樣; 嘅=的; 唔得=不行)
嗰個廣告係講每個人無論從事啲咩職業, (嗰個=那個; 啲咩=哪些)
都要顧及對客人嘅禮貌,
要盡量滿足顧客嘅需求,
其實禮貌係從小咁培養嘅,
有禮貌並唔淨只係每朝同人哋講早晨, (唔淨止係=不單只是; 人哋=人家)
人哋俾嘢你講唔該咁簡單, (俾=給; 嘢=東西; 唔該=謝謝)
而係發自內心咁樣對人要誠懇, (咁樣=那樣)
態度要親切,一個人有冇禮貌其實係呃唔到人嘅! (呃=騙)
只要人哋見到你嘅表情,或者你開口講嘢嗰時, (講嘢=說話; 嗰時=那時候)
就知道你有冇禮貌。
同一句說話用唔同嘅語氣,唔同嘅表情去表達,
已經可以有好多唔同嘅意思,
例如你叫人哋交班會費, (班會費=班費)
如果你好輕聲咁同人講:「交班會費呀!」
同你語氣好重咁樣同人講:「交班會費喇!」
前者,人哋聽落去會好舒服,
後者好明顯好似追緊債咁! (追緊=正在追; 追債=討債)
好多時,如果唔適當咁運用一啲語氣,
就會引起好多不必要嘅誤會,
亦都會令人哋覺得你係冇禮貌,
所以,希望各位同學能夠注意,
有禮貌並唔淨止係一啲表面嘅行動,
好多時你嘅一舉一動會影響人哋對你嘅印象,
要做一個有禮貌嘅人,就要由心開始出發!
多謝各位!
我要特別提一下, 錄音內其中有一句:
「人哋俾嘢你講唔該」
通常別人給你東西的時候是說「多謝」
例: 「多謝你送嘅花」
而別人幫忙你或你要勞駕別人時, 是說「唔該」
例: 「唔該你幫我簽個名呀」
所以在錄音的這句是說「人家給東西給你」, 所以應該是說「多謝」, 不會說「唔該」
不過, 如果「人哋俾嘢你」的意思是「人家把東西遞給你」的時候, 你就要說「唔該」, 因為有時候有些人習慣也用「俾」來表達這場合. 所以看當時情況.
例如: 你去買東西, 店員把東西包起來裝起來, 你付錢的時候, 店員是對你說: 「多謝」, 而店員把裝好的東西(遞)給你的時候, 你這時候可以說: 「唔該」
留言列表