要觀看影片內容, 請按暫停右邊正在播放的音樂播放器或影片檔
…就將嗰個大份量呢就分開佢囉, 平均啲, 每一嚿都係咁上下個重量囉.
好, 嗱, 咁呢度仲有少少鹹蛋, 咁我哋就將啲鹹蛋可以猜容或者係將佢切開一粒粒, 咁然之後擺落個奶黃餡裡面, 咁呢就好似包湯圓咁包, 包呀包, 鏈呀鏈, 搓搓搓搓搓..咁啲餡爆出嚟都唔緊要嘅, 事關我哋唔係拎去滾架嘛! 我哋拎去搵個皮包番佢之嘛. 咁由於時間關係呢, 就已經整咗一盆喺度啦…咁呀包…包湯圓咁囉! 記住一定要帶手套, 一來衛生, 二來保証唔黐手.
好喇, 頭先嘅皮已經完成咗啦, 咁我哋將一嚿切開做四嚿, 略略分番開佢啦, 分勻佢, 咁就, 36份, 分番做36份, 即一份切9粒, 咁呀慢慢切喇.
由於時間嘅關係, 我哋已經將兩樣嘢都做好晒喇, 咁呀而家開始準備包.
依啲呢, 就係整粉皮嗰種糕粉即係炒熟咗嘅糯米粉, 而家預備一兜呢, 一陣間我哋猜完嗰個月皮之後, 我哋要擺落呢度過粉呀, 過粉河呀, 咁好喇, 咁呢度記住帶手套啦, 咁猜開個粉皮啦, 然之後擺個鹹蛋黃落去, 唔係鹹蛋黃啦係奶黃餡啦, 咁慢慢將嗰啲白色嗰啲粉皮襟住咗嗰個黃色嘅, 嗱, 咁搓番圓佢呢, 再落個模嗰度, 咁就得架啦. 咁呢, 我哋就碌粉囉, 如果你唔落粉呢, 佢就四圍會黐架, 咁落咗粉之後呢, 咁佢就四周圍都唔黐架喇, 咁就完成咗一個囉.
好啦, 由於時間嘅關係呢, 我哋包餡都接近尾聲啦, 咁可以將個餡呢將佢好似人哋整小籠包咁, 猜好佢, 圓嘅, 咁錄落去, 碌碌粉, 四周圍碌吓佢啦,….咁可以搵個匙羹幫吓手啦, 糝吓粉呀, 碌吓佢呀, 好, 咁呢, 呢個工作就差唔多完成, 咁呢個膠手套呢就冇用架啦.
咁而家呢, 根本上佢個皮黐咗好多粉架, 咁有啲人唔鍾意太多啲粉嘅口感呢咁就喺個手度咁篩吓篩吓, 將啲粉篩番走佢, 咁就冇咁多粉, 一樣可以拎去給模架.
咁呀, 給模嚕喎! 咁我哋要玩骰盅咁將個冰皮月餅成個擺落去啦, 咁就扌禁實佢, 喺上面壓, 嗱, 千祈唔好俾啲冰皮月餅嗰啲皮呢可以喺周圍呢度擠出嚟喎, 咁大力咁壓落去啦, 如果佢唔跌出嚟嘅呢, 咁就禁佢出嚟. 完成!
好喇, 將所有嘅餅放晒入個模度喇, 咁好喇, 最後一個步驟就係攞廚房紙, 放喺啲月餅上面, 然之後冚蓋, 點解要咁做呢? 因為, 月餅係會有水氣架! 嗱, 呢盒就尋晚預先整好咗架, 咁呢, 我哋而家嚟打開嚟睇吓啲廁紙, 張廁紙係濕架, 所以呢, 記住放呢張啦, 因為如果唔係呢啲餅就會濕晒架啦. 哦, 有人食咗一個!
一嚿: 一塊 猜容: 搓成泥狀 擺落: 放下去, 放進去 好似: 好像 鏈: 捏
事關: 因為, 原因 拎: 拿 滾: 煮, 滾燙 搵: 找 包番佢: 將它包回 之嘛: 只是, 而已
黐: 黏 頭先: 剛才 略略: 稍微 勻: 均勻 兩樣嘢: 兩樣東西(事情)
做好晒: 全部做好 依啲: 這些 嗰種: 那種 一兜: 一盆 一陣間: 等一下
過粉河: 要把食物的表面沾粘一些粉, 使食物表面滑滑不會黏到手的過程.
嗰啲: 那些 襟住: 蓋著, 蓋住 落個模: 放到那個模具(那裡) 得: 行, 可以
碌粉: 滾動沾一些粉(把食物放進去滾動使表面都沾上粉) 落粉: 下粉沾粘表皮
四圍: 周圍 人哋: 人家 碌碌粉: (把餅皮)滾動滾動沾沾粉 糝: 撒下 唔鍾意: 不喜歡
篩: 篩選 給模: 印模子 扌禁實: 壓緊, 「扌禁」這是手字旁一個禁, 這個沒有現成字. 所以用這樣組合.
攞: 拿 冚蓋: 蓋蓋子 尋晚: 昨晚 濕晒: 全濕掉
後記: 終於都完成了下集. 打字及記錄都很花時間. 過程真覺得很長. 但是用說和聽一下子就說完聽完了. 用文字及解釋記下真的費功夫.
不知道你們吃過後人會不會變「卑鄙」呢? 因為「冰皮」和「卑鄙」的發音很接近. 有些人會拿來開玩笑. 呵呵!!
留言列表
