你驚唔驚曱甴？－Sheila的廣東話世界

邪神：「你驚唔驚曱甴？所謂驚，意思係指見到就退避三舍，再誇張d講會驚到跳上床 (突然飛埋身自然反應既驚唔算數)」

嘉士伯：「曱甴好得人驚, 所有昆蟲都係, 老鼠反而一d都唔驚.」

legolas：「我係好怕曱甴，佢地個樣實在太核凸，最怕係唔覺意打爆踩爆就更核凸，佢地唔覺意掂到我都極之唔好，總之一節節既有殼果d昆蟲，包括蜜蜂蝴蝶....我都幾怕......(其實係好怕)，其他咩鼠蛇鱷魚咩都唔怕..」

legolas：「我留意到通常d人怕曱甴就唔怕老鼠~~嘿~~~~~~」

白飯魚：「曱甴...點指驚到跳上床...蓋埋張被...開行冷氣...仲要成晚訓唔著...總之毛管楝」

邪神：「估唔到暫時得我完全唔驚，老鼠我都唔驚，我細個時直情係用手捉曱甴架，而家諗番起捉曱甴時佢d腳有小小拮手既觸感，而家唔會用手捉lu，不過見到會追住佢黎打，以前係街見到d曱甴通街走，我會用腳追住佢黎踩................一腳踩落去會pop一聲，嘿嘿嘿~~」

legolas：「er.........下次有曱甴時可唔可以叫你幫手？不過唔好打爆佢，佢地個肚極多細菌同蟲，係會入侵人體攪到好大鑊~千期千期千期要打暈後沖走算~~~
ps.凸然覺得邪神有d變態....雖然我都試過徒手捉老鼠..」

嘉士伯：「細個徒手捉草蜢, 金牛, 金絲貓果d我完全唔驚, 但係對曱甴蜘蛛擒蟧係見到就毛管棟, 邪神你有冇見過成千曱甴湧出黎? 你諗會唔會驚?」

嘉士伯：「徒手捉細老鼠就試過, 以前有d坑渠老鼠好大隻, 我地會追住佢當波咁踢.」
資料來源: http://aberdeen.hk/forum/viewthread.php?tid=6137

驚: 害怕     曱甴: 蟑螂     d: 啲的簡寫, 那些, 一點的意思
飛埋身: 飛到身上     得人驚: 很嚇人     核凸: 核突的同音字, 恐怖的意思
唔覺意: 不經意, 不小心     掂到: 碰到     極之: 非常
果d: 嗰啲, 那些的意思     d人: 啲人, 那些人的意思     點指: 應該是「點只」才對, 不只的意思
蓋埋～: 還蓋上～    張被: 被子的意思, 「張」是數量詞.
開行: 儘量開猛, 「開行冷氣」就是把冷氣儘量開最大最猛.
訓唔著: 瞓唔著的同音字, 睡不著的意思     毛管楝: 起雞皮的意思, 「棟」是聳立的意思
細個: 小時候     直情: 簡直是, 乾脆     小小: 少少的同音字, 一點點的意思
拮手: 剌到手的意思. 「拮」在這裡是剌的意思     lu: 語助詞
係街: 喺街, 因為有些不知怎打或是方便的原故, 只用「係」代替; 「街」是指街上
通街走: 到處跑     大鑊: 糟糕     千期: 應是「千祈」才對, 千萬的意思
金牛: 身上會反射綠色光的會飛的昆蟲(http://www.funfunhome.com/viewthread.php?tid=5616)
金絲貓: 身上會泛綠光的小蜘蛛(http://www.dchome.net/viewthread.php?tid=496115)
擒蟧: 褐色身體小小, 八隻腳很長的那種蜘蛛(http://www.roylau.org/?p=55)
坑渠: 溝渠     波: 皮球

後記: 看到這個討論時想起以前小時候, 也會捉金牛, 金絲貓或是四腳蛇(壁虎). 還記得有把捉來的金絲貓養起來, 不過幾天之後牠就死了.