要觀看影片內容, 請將右邊正在播放的音樂播放器或影片檔暫停
A: 喂, 咁耐冇見, 你而家撈乜嘢呀?
B: 撈咩? NOBODY呀!
A: 睇你呀, 你乜都唔識, 淨係SICK LEAVE…
B: 係啦, 而家百物騰貴, 咩都貴, 牛又貴, 豬又貴, 馬又貴, 牛又貴, 羊又貴, 好難捱呢, 嗰日我行街市呀, 嘩, 嗰啲菜幾貴, 你知咩菜最貴呀而家?....巴塞(菜)呀!
A: 嘩, 好爛喎你呢個, 點接呀大佬, 真係唔憤氣呀, 咁你知唔知呀, 巴斯光年殺咗條龍之後變咗乜嘢呀?....係人都知啦, 係你唔知呀, 撒(殺)隆(龍)巴斯呀!!!
B: 好好笑呀, 係咪要笑架? 咁你知唔知咩動物最鍾意聞底褲呀? 豹紋(聞)底褲呀!
A: 唏, 真係唔同你講住呀真係, 趕時間呀!
B: 去邊呀?
A: 冇呀, 去痾篤尿..夏萍(柯德莉夏萍)姐.. 但係搵唔到個廁所呀...
B: 唏, 咪就喺嗰邊囉, 過咗條橋咪係囉...
A: 咩橋呀?
B: Thank you(橋)呀...乜你個人咁蝦碌架!
A: 係呢, 冇帶茄汁添!
B: 即係咩呀??
A: 嘻嘻嘻…乾煎蝦碌呀!
B: 嘩, 你啲GAG都好爛吓喎真係! 整多個GAG嚟聽吓得唔得呀?
A: 咩GAG呀? FORGET呀? 唏, 唔同你講咁多, 一寸光陰八兩金, 係咁先!
B: 唉, 天下無不散之林夕(筵席), BYE!
A: 你BYE我? 我唔BUY你喎!
咁耐: 那麼久; 耐=久 撈: 做(工作); 因為「撈」同「NO」的音相近.
識: 會, 懂 SICK LEAVE: 請病假; 「SICK」和「識」的音相近.
巴塞: 巴塞隆那足球隊 唔憤氣: 不服氣, 不甘心 去邊: 去哪
痾篤尿: 撒泡尿; 廣東音「痾篤尿」的音近似「柯德莉」
姐: 同「啫」同音; 本意是帶有「只不過」「而已」的含意語助詞, 但是因為前句有意指人名所以用「姐」也是可以用來做稱呼. 這就是廣東話同音字的奇妙之處.
蝦碌: 這裡是指搞笑, 滑稽的樣子; 另外也解釋為NG出捶的意思
茄汁: 蕃茄醬 添: 帶有「也」「都」「還有」「同時」的含意語助詞
乾煎蝦碌: 這裡可以是指一道菜的名字, 茄汁炒蝦球(把茄汁炒乾); 另外也可以有別的意思就是「乾煎」指焦急乾等, 「乾煎蝦碌」也就像被炸乾捲曲的蝦球很無奈, 不知如何是好的樣子的意思. 這裡要看每個人的想像力.
八兩金: 是一位藝人的名字 係咁先: 就這樣吧, 先這樣吧; 意思就是要說「再見」
林夕: 是一位音樂填詞人的名字
註: 因為以下內容的影片因版權問題被刪除, 現在只留下以下對話內容供閱讀. 在此再增加以上影音內容給大家看看另一種的爛GAG演譯.
「嘩, 你個頭上面有啲嘢喎!!」
「吓, 係咩嚟架?」
「頭髮呀!」
「唓, 個個人都有架啦!」
「搞爛GAG呢啲嘢你唔係我對手呀, 只係我對腳咋!」
「考條嚟睇吓吖?」
「有啲乜嘢係唔鍾意孤單一個吖?」
「嘩, 一啲心理準備都唔俾人, 無啦啦彈條咁嘅爛GAG, 叫人點估呀吓! 你估俾我睇喇!」
「答案就係~~(蟲)從不喜歡孤單一個」
「可惜偏偏孤獨一個?」
「而家叫你接龍呀? 叫你答爛GAG咋! er…唔識咪算囉..唱歌唱歌..」
「嘩, 火燭呀! 嘩, 熱到歪咀!」
「好嘢, 抵死呀, 抵死呀, 抵你死呀抵死..」
「你唔好咁多爹呀!」
「我而家考多你一題, 嗱…聽住啦, 嗱聽住, 點解有爛GAG嘅出現?」
「呢題我識, 答案咪就係對抗全球暖化囉!」
「呢題, 呢題唔算呀, 唔算呀..唔算呀..唔算呀……我都係攞本完全爛GAG手冊睇多陣先!」
個個: 每個 無啦啦: 無故, 突然間 彈條: 彈出一題, 意思是突然問一題
咁嘅: 這樣的 估: 猜 咪算: (不)就算了 火燭: 著火, 失火 抵死: 活該
咁多爹: 這麼多口水; 「爹」這個字音本來是潮州話, 是茶的意思. 後來說人講太多話, 就變成了「咁多爹」. 這是比較粗俗的說法.
都係: 還是 攞本: 拿一本
香港
高雄
留言列表
