Sheila的廣東話世界

這篇是我曾在家族介紹過的一個影片, 裡面敘述了多數香港人在香港如何過日子, 他們生活在急速的節奏裡, 所以在香港, 你會注意到大家走路都很快, 大家都在爭取時間, 大家都好像變得很冷漠…
但是籍著旁述道出了大家內心深處仍然擁有的熱誠…

要觀看內容, 請將右邊正在播放的音樂播放器或影片檔暫停

我係一個土生土長嘅香港人, 二十幾年喇, 一段話長又唔算長, 話短又唔算短嘅時間, 而我亦見證咗一啲香港嘅變遷, 雖然我並冇親身經歷香港由一個漁港變成一個現今國際嘅大都會, 但係我卻親身體會咗, 香港係一個獨一無二, 別樹一幟嘅生活模式.

     香港係一個商業城市, 你可以見到, 到處都係一座座嘅商業大廈, 每日早上, 我就好似每一個嘅香港人一樣, 開始自己嘅工作, 由早上工作到夜晚, 日日都係咁, 有人話依啲係因為香港人好勤奮, 又有人話係因為香港生活節奏嘅急速, 其實依兩點我都係相當認同嘅! 包括我自己在內, 每日我都會好努力忙碌喺度工作, 希望完成自己工作上嘅責任, 但係, 想深一層, 日日都係咁, 唔通忙碌就係我哋生活唯一嘅模式咩?

     自從進入社會工作之後, 我用得最多嘅時間就係喺工作同瞓覺方面, 就算有時間, 寧願都係瞓多啲啦! 慢慢娛樂就成為咗一種奢侈品. 記得以前, 我經常都會忙裡偷閒, 喜歡同朋友唱K, 睇戲, 打機, 我仲會時常到唔同嘅大型商場度SHOPPING, 因為香港擁有好多唔同嘅大型商場, 唔單只幾咁方便, 而且更加能滿足我嘅購物慾. 加上, 香港擁有唔同嘅百貨公司, 其他嘅地方真係好難搵得到.

     而且, 以前嘅我亦會安排時間到體育館做運動, 例如: 游水, 打籃球, 踢足球, 有時間我都會去到圖書館睇下我喜歡嘅書, 我又會到藝術館參觀一啲藝術嘅展覽, 我都會抽時間到科學館, 太空館, 又或文化中心, 而且我更加會到紅館欣賞我喜歡歌手嘅演唱會.

     喺長假期時候, 我會同我班好朋友一齊到離島旅行, 去親身一下香港大自然嘅一面, 難道我已經唔能夠過返以前嘅生活咩?

     星期一至五, 返工嘅時間長, 午膳嘅時間又短, 由忙到連選擇一個美味嘅午餐都冇可能, 而各式嘅快餐店就變成我唯一嘅選擇, 我已經好耐冇享受過香港嘅美食喇!

     其實除咗快餐, 我哋仲有好多唔同嘅美食: 上海菜, 澳門菜, 日本菜, 韓國菜, 越南菜, 泰國菜, 意大利菜. 總之, 應有儘有...

     我哋仲有好多唔同嘅地道美食: 車仔麵, 茶餐廳, 大排檔, 記得以前一有時間呀, 我就會到唔同嘅樓上咖啡店, 同我嘅朋友一路嘆咖啡, 一路傾談. 雖然每日返工放工, 我都會行過一啲街頭小食店, 但係我已經好耐冇幫襯過, 雪糕車嘅雪糕, 我都好耐冇品嚐過, 就算係假日呀, 我都冇好似以前咁抽時間陪屋企人飲茶, 而且返屋企食飯嘅次數, 亦都少之又少.

     建築物唔單只見證咗香港嘅歷史, 亦都見證咗我哋童年嘅回憶, 香港有好多人都曾經居住過公共屋邨, 雖然公共屋邨並唔係一個華麗嘅住宅, 但係住喺公共屋邨嘅時候, 人與人之間嘅關係非常之好, 而且感覺都好和諧. 我記得以前會同我嘅朋友仔玩到天黑先至返屋企食飯, 有時更加會同我屋企人一齊落樓下玩, 而家諗返起呀, 都覺得好開心. 可惜, 好多舊型嘅屋邨, 因為要迎合時代嘅變遷, 都已經拆卸. 慢慢咁, 變成咗唔同嘅新型屋苑同住宅, 人與人嘅關係已經變得疏遠喇!

     雖然, 環境係改變咗, 但係我哋可唔可以維持已往和諧嘅關係呢?

     我記得有一首歌嘅歌詞係咁嘅: 「既是同舟在獅子山下, 且共濟, 拋棄區分求共對, 放開彼此心中矛盾, 理想一起去追, 同舟人, 誓相隨, 無畏更無懼」

獅子山下
曲：顧嘉輝  詞：黃霑  編：顧嘉輝   唱：羅文

人生中有歡喜　難免亦常有淚
我哋大家　在獅子山下相遇上
總算是歡笑多於唏噓
人生不免崎嶇　難以絕無掛慮
既是同舟　在獅子山下且共濟
拋棄區分　求共對
放開彼此心中矛盾
理想一起去追 
同舟人　誓相隨　無畏更無懼
同處海角天邊　攜手踏平崎嶇
我哋大家　用艱辛努力寫下那
不朽香江名句


唔通:難道     瞓覺: 睡覺     打機: 打遊戲機     幾咁: 多麼     游水: 游泳
好耐: 很久     嘆: 享受     傾談: 聊天     幫襯: 光顧     雪糕: 冰淇淋
先至: 才會, 才要      落樓下: 到樓下; 落(動詞), 落車=下車

其實不單只香港，台灣也是這樣了....
有時大家想要聚一下，但不是這個沒收工，那個上晚班，
或是這個生病，那個家裡有事~~~假日有時大家要顧家裡的人，不一定方便.....

而人到中年，因為體力精神都不如從前，所以慢慢地---辛苦工作後，只想待在家好好休息，睡到自然醒了....

就連小朋友也是，每天上課，補習，寫功課，假日有閒，也只想睡覺了~~~唉....
沒辦法~~誰叫現在生活艱辛，為了搵兩餐飽，衣食不憂，大家都在拼啊~~

台灣的生活也是最近十幾年變得很快, 科技進步了, 時代進步了, 資訊發達了.
人的生活反而多了很多壓力.

香港
高雄