要觀看內容, 請將右邊正在播放的音樂播放器或影片檔暫停
你呀, 你呀, 就係叫你咋! 得你見到我之嘛!
我勸你都係唔好周圍走嘞! 世紀冥婚大典即將開始㗎喇!
呢! 特別係呢個井呀, 井裡面隨時都有個人肉炸饅頭飛出嚟㗎!
仲有呀, 嗰邊道門好出名㗎! 咪叫做羅生門囉!
你唔小心打開咗嘅話, 隨時都有個叫阿羅生嘅跑出嚟㗎!
哎呀, 行過你要睇路呀, 一唔小心, 踏到啲金塔呢,
就會冤鬼莎姨纏身㗎喇, 到時搞到家無寧日, 真係荷媽都救你唔到呀!
首先, 大家儘量打開你哋嘅攝錄器材, 好似相機呀, 手機呀, 攝錄機呀, 錄音機呀咁樣啦!
因為呢, 你將會有好多嘢拍㗎! 拍到你就拍啦! 拍唔到, 你就俾鬼拍囉!
第二, 就係見鬼勿O嘴, 因為陣間有好多陰間嘅嘉賓, 所以, 千祈唔好O嘴呀!
最重要嘅係, 主人家希望每一位觀禮嘅嘉賓都識得跳開心舞!
右撩撩, 左撩撩, 一齊向右撩,
左刮刮, 右刮刮, 一齊向左刮,
前FING FING, 後FING FING, 伸手FING兩FING,
左篤篤, 右篤篤, 手指唔好四圍篤
你哋準備好參加呢個婚禮未呢? 我哋唔係個個都請㗎!
好似華仔呀, 曼玉呀, 我哋都冇請㗎啵! 淨係請你哋咋!
好喇! 地府世紀冥婚大典即將開始喇! 你都係準備一下啦!
記唔記得我教你跳嗰隻舞呀?
唔記得? 嘿, 我都係教你再跳一次啦!
得: 只得, 只有 之嘛: 而已 羅生: 羅先生 O嘴: 張大嘴巴很驚慌的樣子
陣間: 待會 千祈唔好~: 千萬不要~ 撩: 摳 FING: 甩
篤: 戳 四圍: 四周, 到處 淨係: 只是
後記: 小朋友不要害怕, 這是萬勝節時候特意扮成這個樣子的. 不是真的鬼啦!!!
現在的小朋友我想還比我大膽!!! 應該嚇不到他們.
原來這位鬼叔叔是他扮的—黃湛深.
這是他的香港BLOG:
http://hk.myblog.yahoo.com/iam-samwong
這是他的FACEBOOK:
http://www.facebook.com/chamsum
- Oct 12 Tue 2010 22:21
哈囉喂-Uncle Sam
文章標籤
全站熱搜
留言列表