聖誕禮物－Sheila的廣東話世界

要觀看內容, 請將右邊正在播放的音樂播放器或影片檔暫停

「聖誕快樂！」「嗯！」「喂，聖誕節係乜嘢？」「咪假期囉！」
「但係過年係因為利是，咁聖誕節呢？」「係嗰啲嗰啲耶穌嗰啲嘢囉！」
「耶穌？邊個嚟架？」「哼！你唔知咩？耶穌係聖誕老人個仔吖嘛！」

「喂，你今年有冇聖誕樹呀？」「梗係冇啦！今年冇錢吖嘛！」
「如果有錢，你會唔會買聖誕樹？」「梗係唔會啦！」「點解呀？」
「因為聖誕樹，聖誕卡同埋聖誕禮物都係嘥錢嘅！」
「我有聖誕禮送俾你！」「唔係呀嘛？誒．．我意思係．．係咩？」「係呀！」
「嗰個禮物係乜嘢呀？」「我表姊囉！」
「聖誕快樂！」「你你你．．你表姊係唔係雞呀？」「梗係唔係啦！黐線！」
「我只不過我唔慣呀！我未試過．．啲女仔．．我慣叫雞呀！」
「我唔慣，我有老婆喎！」「唉，我知！你要幫我手，你要教我點樣做！」
「嗱，啲女仔同啲雞唔同！」「係！」
「你要帶佢去食飯！地方要好靚！」「好靚，係，好呀！跟住呢？」
「跟住你要講佢想聽嘅嘢。」「聽嘅嘢．想聽嘅嘢！係！」
「送禮物俾佢，同埋呢佢講乜嘢，你都要同意。」「同意，嘩，好呀，唔該哂你喎真係！好呀，呀，係喎，我應該俾幾多錢呀？」「黐線！千祈唔好俾錢！走啦！」

「誒．．呢度好靚係唔係吖？好乾淨！」「好乾淨！」「同埋好鬼平！」「係咩？」
「送禮物俾佢！」「我有啲嘢送俾你！聖誕快樂！」「多謝！」「唔使客氣！」
「你要講佢想聽嘅嘢！」「你好肥但係你出好少汗！」「佢講乜嘢你都要同意！」「我好醜樣，係唔係呀？」「係呀！係呀！好醜樣！」
「我啲頭髮我啲衫好肉酸，係唔係呀？」「係囉係囉，好肉酸呀！」
「喂，喂，你冇俾錢！」

咪～: 不就是～梗係: 當然嘥錢: 浪費錢叫雞: 找妓女
同埋: 還有平: 便宜出好少汗: 很少(不常)出汗醜樣: 樣子醜肉酸: 難看

後記: 我看到後面部份, 笑到肚痛了!! 他們對話加上口音好好笑, 哈哈………

Carol於2011/01/04 18:33 回應