聖誕話劇－Sheila的廣東話世界

要觀看內容, 請將右邊正在播放的音樂播放器或影片檔暫停

「有冇錄呀?」「錄呀! 錄緊呀!」
「依家跟住係由XX團契表演話劇.」「你愛我比這些更多嗎?」
「舊年聖誕遇見珍珍, 佢成六百幾斤, 我打哂冷震, 係咁陪佢坐喺度呻! 我愛聖誕, 我愛聖誕, 舊年聖誕佢搵我老襯, 成嚿水陪佢落街食晏! 又到聖誕, 又到聖誕, 舊年聖誕有冇今年咁嘆! 成個牧師坐喺度瞓!」
「嘩, 老公呀!」「嗯, 咩呢?」「呢個人冇理佢喺度瞓喇!」「係喇係喇!」
「你唱到口都乾哂喇! 食個生果先啦!」「吓! 生果唔係亂咁食個喎!」「點解呀?」
「想當年, 阿當就因為食咗一個蘋果, 畀人跣到攤攤腰呀!」「係咩?」「係呀!」
「咁你唱到咁口乾, 咁點呀? 係咪發咗達呢? 咁口爽!」
「唉, 你有所不知嘞! 琴晚呀, 有啲天使嚟報夢畀我呀! 佢話畀我聽, 今日呢, 會有幾樣嘅嘢就會嚟入嚟我哋屋企, 只要我哋請佢哋入嚟呢, 嗰啲嘢就係我哋架喇!」「係咩?」「我哋就可以夢想成真喇!」「哦!」
「I can’t wait!」「我都唔等得喇!」「係呀!」
「財神到, 財神到, 好心冇好報! 財神到, 財神到, 得到我睇起你哋, 你有前途!」
「你係邊個呀?」「我叫阿金錢呀! 開心呢!」「開心呀, 金錢!」
「我今日帶咗一份呢…有史..以嚟一份…好貴重嘅禮物畀你哋呀…..此禮物之大便..是寶嚟!」「好核突! 有屎呀! 」「一定會令到你哋使(始)料不及呀!」「哎, 咁核突!」「咁呀如果你哋唔鍾意呢就請自便嘞! 請我入嚟啦! 有着數架!」「你到底有幾巴閉呀?」「梗係巴閉啦! 我帶咗好多美金呀! 仲有呀! 有大嚿水人仔呀! 哈哈..仲有呀仲有呀, 多唔多呀? 仲有勾佬呀! 哈哈..」
「嘩, 咁衰架! 我最憎人勾佬架喇!」「咩呀? 聽準啦! 歐羅呀!」「咁好?」
「不如我哋請佢入嚟啦….. 」「未住請佢入嚟, 咁好我哋再等等多一個嚟先啦! 一齊入啦!」….「愛愛不完…」「唔緊要, 唱完之後郭富城唔會鬧你唱錯哂…」「愛愛愛不完…」「國語…」…….「對你愛愛愛不完…I love you, you love me, we are happy family, 我叫愛..愛情嘅愛…」「你愛愛愛乜呀? 係咁手指指!」「我叫一愛, 單一愛..」
「等我哋可以夢想成真呀, 請佢哋兩位一齊入嚟啦!」
「…咪住咪住咪住! 」「你係邊個呀?」「我呀! 我叫信望愛!」……「你又唔識唱歌!」
「唔係呀, 我識呀! 嗱, 你睇吓啦, 我仲可以請埋我哋個賈牧師一齊出嚟添! 賈牧師有請!」
「大家有冇平安入世, 勇敢做人咁呀?」「….……阿門, 阿門」
「你有金錢, 地位同埋權力咩?」「我有呀, 而且我仲巴閉過佢呀! 」
「我巴閉呀, 咁大嚿水唔要喎!」「佢得歐羅, 我阿爸個屋企個地下呢係用啲黃金寶石砌架! 而且仲冇死架! 唔信你就睇吓聖經嗰個啟示錄, 聖經個啟示錄裡邊呢, 佢有講到架!」「係喎, 但係你都係爭咁個!」「唔係, 我叫信望愛吖嘛! 佢呀, 得個一愛喺度!」「仲冇咁淫添呀! 嘻嘻…」「唔信呢, 我話畀你聽吖! 喺哥林多前書十三章四節裡邊呢就咁講喎! 愛係恆久忍耐, 愛係唔呷醋, 愛呢就係一個唔作大, 愛係呢個唔發狂, 又唔會做啲羞家嘅嘢, 愛係又唔搵着數個喎, 又唔會做啲假嘢, 愛係真架!」「珍珠都冇咁真!」「唉, 冇人同我談情說愛呢!」「誒..依樣你唔使驚, 有呀, 廿四小時餐餐陪住你, 日日纏住你, 嗰個就係你老婆, 問你死未!」「老公呀, 我哋終於明白喇, 我哋原來需要嘅呢喺神嗰度嚟嘅愛! 快啲入嚟啦! 快啲入嚟啦!」「不如我哋請信望愛, 我哋要信望愛, 我哋唔要嗰兩個啦! 叫佢哋走喇!」
「唱埋啦….ok, 咁就讓我哋呢班蒙神所愛嘅人唱一首歌去歌頌我哋愛嘅源頭啦! 各位, 愛與被愛, 123..」
愛與被愛，數不清的交織的網，怎會教人說精采？
愛與被愛，真心真意珍惜珍貴，只怕最難求是愛。
哀傷裡尋到擁抱，低谷裡能夠升高。
艱苦裡能同心禱告，在跌倒時來鼓舞！
原來神是愛！太初開始己是存在。
全憑神是愛，護蔭一生使我空虛不再。
為我擦亮眼，曉得愛與被愛，這種感覺極期待！
用愛照亮我，福杯滿滿盛載，豐盛無更改！
原來神是愛！太初開始己是存在。
傳揚神是愛，地老天荒不變不死的愛。

打冷震: 打冷顫     係咁: 一直, 不斷     呻: 訴苦     搵我老襯: 讓我當笨蛋
成嚿水: 整整一百元     食晏: 吃午餐     嘆: 享受     冇理: 這句的「冇」是「唔好」的連音; 唔好理=不要理會
畀人跣: 被人陷害     攤攤腰: 腰直直的躺平; 此處是指被人陷害得很慘的意思.
口爽: 高興的含意     琴晚: 昨晚      核突: 噁心     着數: 利益, 好處     巴閉: 了不起
大嚿水: 很多錢     人仔: 人民幣     最憎: 最討厭     勾佬: 偷男人     歐羅: Euro歐元
未住～: 還不能～     手指指: 手指來指去     咪住: 等等, 等一下     得: 只有
爭咁個: 差一個     呷醋: 吃醋     作大: 誇大不實     羞家: 羞愧, 羞恥     唱埋: 也一齊唱