要觀看內容, 請將右邊正在播放的音樂播放器或影片檔暫停
大家好, 今日廚師介紹做個椰汁糕同埋年糕, 我需要一個蒸籠, 擺水入去, 嚟到呢條痕度, 兩個蒸盆, 放油紙, 放啲菜油, 捽勻佢, 另一個亦都係咁做.
着火, 150個gram白嘅沙糖, 加入150個ml水, 煮佢勻, 煮到啲糖溶咗.
着火, 兩片片糖, 擺咗入去裡面, 擺210個ml水, 煮溶之後, 跟住攪勻佢, 攤凍.
白糖水已經攤凍咗喇! 呢度係200個gram糯米粉濾過咗, 呢度係50個gram粘米粉, 濾過咗, 將佢擺埋一齊, 椰水, 85個ml, 倒入去, 凍咗嘅白糖水慢慢加入去嚟到撈勻佢…而家我撈勻佢, 要攪到咁樣嘅狀態, 因為每個地方出嘅粉係唔同, 所以有陣時佢或者要多啲水, 如果唔夠水嘅話, 你就加啲椰水落去啦!
而家將佢倒入去個蒸盆裡面.
而家我做年糕, 200個gram糯米粉濾過, 50個gram粘米粉濾過, 擺埋一齊, 撈勻佢, 攤凍嘅冰糖水慢慢嚟到加入, 嚟到攪勻佢, 而家落咗嗰啲片糖水之後, 又係咁樣攪到而家咁樣個狀態, 如果佢係太過硬你要加啲水落去㗎! 跟住倒佢入去個蒸盆裡面.
而家水滾喇, 擺佢落去, 大火蒸十分鐘.
而家十分鐘後, 兩粒紅棗洗乾淨佢, 擺喺中間, 繼續再蒸多佢四十分鐘, 全程係五十分鐘, 五十分鐘後, 搵一支竹籤拮一拮佢, 掹出嚟係乾淨, 就可以㗎嘞! 跟住攤凍.
已經蒸好咗一個鐘頭, 而家攞佢出…喺嗰個焗盆上面, 拎出嚟呢一度, 擺喺個架上面, 嚟到攤凍佢.
而家個鑊燒紅咗, 去落一啲油…個年糕凍咗之後, 我切咗佢, 每樣切三塊, 椰汁糕, 唔好擺佢黐得咁埋呀! 唔係一陣間佢黐住㗎! 呢邊係年糕…煎到佢兩邊脆為止, 煎到佢兩邊而家脆嘞, 拎佢出嚟, 校細啲個火. 一隻雞蛋, 打爛佢, 擺個年糕落去, 浸佢兩邊…其餘都係咁樣做.
呢邊係椰汁糕, 呢邊係年糕, 多謝你收睇, 希望你鍾意食, 下次再見啦!
同埋: 還有 擺: 放; 擺放的「擺」 痕: 痕跡的「痕」 度: 那裡
捽勻: 塗抹均勻; 「捽」=按摩, 抹, 擦 着火: 開火; 開着的「着」 片糖: 蔗糖, 即台灣稱的黃糖
攤凍: 放涼 擺埋一齊: 放在一起 撈勻: 混均勻 嚟到: 來 拮一拮: 刺一下
掹出嚟: : 拔出來 焗盆: 烤盆 拎出嚟: 拿出來, 提出來 鑊: 炒鍋
黐得咁埋: 靠得那麼近 唔係: 不然 黐住: 黏住 校: 校對的「校」
香港
高雄
留言列表
