今年冇返香港過年, 又冇去到邊度地方行吓玩吓咁!
睇番上年過年時影啲相, 諗番起上年上深圳食步飛,
真係又想去食過, 啲嘢食真係多到你唔知食乜先,
又有一碟碟魚生, 又有成堆生蠔, 蟹呀, 蝦呀咁!
又有沙爹串燒, 又有上海麵呀, 大包呀咁! 總之乜都有得食!
啲嘢飲又有好多, 又有酒, 中日西茶都有呀!
啲鮮榨果菜汁啲色就夠鮮艷喇! 不過飲落去冇味嘅!
都冇落糖真係唔多好飲, 側邊又冇放啲糖俾人落添呢!
唔知佢哋係漏咗放, 定係本來就冇糖呢?
啲雪糕又有好多種唔同口味, 啲西餅又整得好好味,
尤其係嗰啲朱古力做嘅西餅, 真係食過我番尋味,
俾我攞哂嚟食咁滯! 真係好好味㗎!
我仲影低啲相留念添呀…
嚟到深圳, 本來諗住搭的去嗰度㗎! 點知帶路嗰個人唔記得咗個商場名,
問個的士佬, 佢都唔識廣東話嘅! 同佢講個店名又話唔知, 點敢搵佢載呀!
而家啲的士佬都好似俾啲北佬搶哂嚟做咁!! 架架車都開口埋口都係普通話啦!
後尾搵到步飛架專車先坐到去到囉!
就係呢度囉!! 同我哋喺車站等車去呢度好鬼近之嘛! 兩個字都唔使就到囉!
商場入面就係咁個樣個囉!
就係呢度啦! 見唔見到墊枱張紙角落嗰四個字「大飽口福」
杯果汁得個樣好睇咋! 冇味㗎! 如果有味嘅, 咁嗰次食嘅就真係perfect嘞!
就係呢啲西餅喇! 好好味哦!!! Yum…
呢件布甸都好好味呀!! 嘆番杯薰衣草茶先啦!!
食飽飽行下商場先! 呢個模型砌得好靚喎!
呢度有好多間大型商場㗎! 仲有影城喎! 不過條街唔係好多人至喎! 地下一啲垃圾都冇見到呀!
嗰間步飛就係喺呢個商場入面囉! 對出個景都幾靚㗎!
行完一輪返香港嚕! 而家至記得影番張先, 深圳灣!
頭先就係入境, 而家就係出境啦!! 嗯, 下次有時間再去過囉!!
食步飛: 吃自助餐; 步飛是由法文buffet的譯音而來, 所以也有人用「部飛」「捕飛」「浦飛」「蒲飛」等表達.
嘢食: 吃的東西 魚生:生魚片 沙爹: 是來自東南亞的Satay的譯音, 也算是沙茶 嘢飲: 喝的東西
定係: 還是 雪糕: 冰淇淋 西餅: 切成方塊的小蛋糕 朱古力: 巧克力
番尋味: 回味無窮 咁滯: 幾乎 搭的: 坐計程車 的士佬: 計程車司機
北佬: 來自北方說普通話的男人 架架車: 每部車子 開口埋口: 開口閉口
後尾: 後來 兩個字: 十分鐘 布甸: 布丁 對出: 對面外的
momoko於2011/02/09 21:07 回應
光是看到就很想去耶~~跟我想像中的深圳有點落差!!還以為像工業區~~
因為北佬習慣叫別人「老兄」, 所以我們廣東人聽到呢兩個國語字音就將呢個音代表北佬啦.
留言列表