Sheila的廣東話世界

2010年7月14日   星期三   炎熱

呢期真係冇咁多時間搞個blog,
事關呢排抽多咗啲時間嚟同啲學生上廣東話堂,
所以有時都用咗嚟改啲新嘅教材囉!
而家又多咗好多粵語字可以打得出嚟,
真係好過以前好多, 以前啲電腦中文字庫好少搵到粵語字,
都係打完印出嚟先再用手加個口字喺側邊,
呵呵, 講到呢度咁就知即係電腦未係用window之前嘅囉.

唉! 屋企又七國咁亂執嚟執去都執唔完咁, 見到都好煩呀!
個天又鬼死咁熱, 想話執下屋企一陣間就執到成身汗咁,
整到成個人黐立立, 鬼死咁唔自在!
而家個天一唔係就落雨落到你頂唔順,
一唔係就熱到你仆街咁….
唔好意思! 講咗啲唔係咁斯文嘅說話!
冇計啦! 天口熱有時真係會好慶㗎嘛!

嗱! 睇吓啲字打到密麻麻就知要打好耐啦!
仲要加番啲新嘢呢!! 用咗好多腦汁呀!!
 


呢排: 最近     七國咁亂: 亂成一團     執: 收拾, 整理     一陣間: 一下子
黐立立: 黏答答, 也可講成「立黐黐」     頂唔順: 受不了
仆街: 這裡不是用來罵人去死的, 這裡的意思是指很慘很糟.      天口熱: 天氣炎熱
好慶: 很火大     密麻麻: 廣東話習慣少一個「密」, 或是「密密麻」少一個「麻」

香港
高雄