我大佬今年嘅3月代表佢間公司攞咗一個綠色企業獎,
佢個影片上載咗冇耐, 就俾email話我知呢個消息喇!
我梗係即刻click入去睇吓點情形啦!!
不過入面冇旁白, 影嗰個人又冇出聲,
淨得啲人企哂喺度俾人影相,
同埋我大佬周不時同個鏡頭yap吓手咋!
不過最緊要個鏡頭梗係佢上台攞獎嗰吓囉!
「Congratulations to OneClick Technologies H.K. Ltd.」
全程用哂英文嚟頒獎架! 呢句梗清楚啦!! 哈哈...
佢嘅努力開始有回報, 真係幾蹬佢開心嘅!
不過我過年返香港嗰時, 佢先俾我睇下面呢段新聞,
係上年5月嗰時嘅有線新聞報導嚟架,
因為嗰時社會都講緊綠色企業搞環保同節能,
所以電視台都有報導同採訪我大佬間公司,
連無線TVB個財經透視都有採訪過佢呀!
不過我依家先至PO佢出嚟我呢度曝光囉!!
要觀看內容, 請將右邊正在播放的音樂播放器或影片檔暫停
歡迎收睇呢節新聞, 我係吳嘉佩.
環保產業係政府重點發展嘅六大產業之一嚟嘅,
不過有業界批評, 政府得個「講」字.
有企業向政府申請廠房, 咁結果獲批一間辦公室.
亦都有公司話, 香港冇人買綠色產品, 許作權報導,
呢款拖板, 睇落冇乜特別,
不過熄咗電視幾十秒, 拖板會自動截斷埋DVD機,
同音響嘅備用電, 一年最多慳成200蚊電費,
呢啲智能產品, 香港人有份研發,
兩年賣成過百萬件, 不過捧場嘅, 都係歐洲客.
點解開發唔到香港市場呢?
香港人嘅環保意識都仲係薄啲囉!
即係仲係未夠積極囉!
佢冇嗰個意識話, 幫屋企慳電囉!
所以其實係由一個教育開始㗎!
冇耐: 不久 話我知: 告訴我 淨得: 只有 周不時: 有時候, 三不五時
yap吓手: 揮揮手, yap手=揮手 蹬佢開心: 替他高興 先至: 才
得個講字: 只有用說 拖板: 延長線 睇落: 看下去 熄: 關
慳成: 省到 賣成: 賣到 薄啲: 薄弱
TVB財經透視: http://mytv.tvb.com/news/financemagazine/8758#page-1
上台攞獎: http://cs-spong.blogspot.com/2010/03/blog-post_22.html
亞視新聞: http://www.youtube.com/watch?v=fikhfmaQy1Y
相關部落網誌:
http://sheilacantonese.pixnet.net/blog/post/238011776
http://sheilacantonese.pixnet.net/blog/post/244921322
產品資料由環得科技(香港)有限公司One Click Technologies (HK) Ltd.提供.
相關業務洽詢:
環得科技新浪微博: http://weibo.com/oneclick
環得科技Facebook: https://www.facebook.com/intelliplug
香港
高雄
留言列表
