要觀看內容, 請將右邊正在播放的音樂播放器或影片檔暫停
不知所謂會考生大鬧巴士
嘩, 因乜事影住哂咁呀?
原來呢個死𡃁「o靚」仔唔肯讓位呀! 「冇位呀!」
乜讓個位真係咁難㗎咩? 「冇位呀!」
嘩, 仲聲大夾惡添喎!阿伯:「嗰度唔係位係乜嘢?」
個阿伯出到手, 最後咪又死死氣氣讓位!「睇住啦, 肥佬!」
仲要中間插句肥佬添!
最後連一邊拍攝嘅呢位小姐都頂唔順要鬧佢呀!
「咩叫冇位呀? 個位你俾咗錢買㗎?」
「你有買咗8蚊冇?」
「你買咗8蚊你咪坐一個位囉!」
帶住headphone都聽到嘢咁犀利?
「我係小童, 雖然我係中五!」
「咁又點呀?」「兩個位囉! 咁簡單, 8蚊!」
「你俾多咗咋! 巴士司機唔會俾你坐兩個位個喎!」
「收聲啦! 死八婆, 死八婆!」
理虧在先仲要鬧人? 講夠五百次吖笨!「死八…」
「你頭先唔俾人哋坐啦已經!」
「你除咗呢句仲識得鬧咩吖? 你邊間學校? 咩名呀? 我去你學校投訴你呀!」
「我唔會講! 我考完會考喇, 係咁多, 再見!」阿伯:「唔好鬧人啦...」
「考完會考又點呀?」
「我會過澳洲呀遲啲都係! 我係唔會理㗎!」
「我未見過有人中五仲係好似你咁囉!」「係呀! 我係呀! Yeah!」
補充多一句啦! 中五生仲咁幼稚!
條片呢就喺尋日上傳, 而家已經有33萬人睇過嘞!
仲有人喺Face book度開group, 叫佢唔好影衰90後.
仲喺唔夠6個鐘之內就俾人起咗底.
有一百蚊做咩唔去搭的士呀? 咁咪冇人同你掙位囉!
因乜: 因為什麼 影住哂: 一直拍著 𡃁「o靚」仔: 小伙子, 小朋友 聲大夾惡: 氣粗帶兇
死死氣氣: 不甘心的 頂唔順: 受不了 鬧佢: 罵他 收聲: 閉嘴
頭先: 開頭, 剛才 識得: 懂得 影衰~: 讓(連累)~給丟臉
起底: 公開個人私隱, 人肉搜尋
後記: 不論是什麼年代都會有這種人類的存在. 只歎現在的家庭教育更薄弱, 把責任交給學校, 而學校只顧成績, 品德公民教育也不重視. 身為父母師長的人, 你們看到到底有沒有警惕之心?? 不過, 聽說這位小朋友已公開道歉, 希望他真的覺悟就好.
留言列表