上個月廿一號嗰日係我哋嘅大日子,
因為嗰日下晝我哋喺阿徐記大排檔嗰度食到飽哂之後,
每個人就要開始開口用廣東話講佢想講嘅古仔.
梗係要抽籤睇下係邊個第一個講先啦!
好喇! 開始喇! Camera……Ac..tion!!!! 哈哈!!!
咩啫? 錄影囉! 梗係要錄低佢啦!! 第日攞嚟做呈堂證供呀!! 哈哈…
有人講佢去香港玩, 又講得幾清楚嘅真係, 但係冇講到咩特別趣事,
有人講個笑話, 佢自己未講完自己就笑咗先喇! 個內容有少少核突咁啦!
有人講佢自己發生過嘅趣事, 都ok架!
不過真係諗唔到有人要講做人嘅道理喎…「睇人如睇書, 做人如寫書…」
真係好嚴肅呀!! 做咩搵篇咁鬼深嘅嘢嚟講架?你係要嚟同我哋傳道咩?@@”
不過今次佢哋個個都敢喺人哋面前講嘢, 實在係好難得!!
所以我就親手用布做咗幾隻兔仔鎖匙扣當獎品送俾佢哋.
希望佢哋會鍾意啦!
梗係唔係人人有份啦! 得前三名先有咋!
而家嚟睇睇佢講個笑話先啦! 留心啲聽呀!!
要觀看內容, 請將右邊正在播放的音樂播放器或影片檔暫停
(灰色字部份, 係我覺得咁樣講會順啲, 俾你哋做下參考)
我今日係講笑話先.
小瑞同小軒兩人同一天收到召集令
小瑞同小軒兩個人同一日都收到要當兵嘅當兵紙
咁小瑞同小軒兩人都不想去服兵役。
咁小瑞同小軒都唔想去當兵。
小瑞聽人講軍中冇收冇牙齒ge人
小瑞聽人講如果冇牙ge人就唔使當兵
因此小瑞同小軒佢地兩人都把所有ge牙齒都拔左晒。
咁小瑞同小軒佢地就將啲牙全部掹晒出嚟。
在身體檢查果日 小瑞同小軒 佢地兩人排在同一個隊伍
到咗檢查果日 小瑞同小軒兩個人排喺一齊
不過有一個大隻佬, 滿身毛髮同有臭味ge卡車司機 插在佢地中間
但係有一個大隻佬, 佢成身都係毛又有臭味走嚟排喺佢地中間。
當小軒排到隊伍 ge前頭時 佢對檢查ge醫官講：佢冇牙齒 lor
小軒排到佢時 佢對住個醫官講佢冇牙架
果個醫官要小軒張開嘴巴 跟住醫官用食指在小軒ge牙齦繞左一圈後
果個醫官叫小軒擘開個口 跟住醫官用隻食指喺佢個口度撩左一圈
醫官講: " 冇錯, 小軒真係冇牙, 咁小軒唔駛服兵役! "
醫官就講喇: "冇錯, 小軒真係冇牙, 唔駛當兵喇! "
跟著係輪到卡車司機
跟住輪到個大隻佬
咁呢個醫官問左卡車司機講：" 咁你有咩問題嗎?"
咁個醫官就問喇：" 咁你有咩問題呀?"
卡車司機講： " 我有好嚴重ge痣瘡。 "
大隻佬就講： " 我有好嚴重ge痣瘡。 "
跟住醫官要卡車司機彎下身去
跟住個醫官要個大隻佬彎低身
醫官用佢ge食指在卡車司機ge肛門繞左一圈
咁醫官用佢隻食指塞落去大隻佬個屎忽窿度撩左一圈
醫官說: " 冇錯, 卡車司機有好嚴重ge痣瘡, 你唔駛服兵役! "
醫官就講嘞: " 冇錯, 你有好嚴重ge痣瘡, 你唔駛當兵喇! "
咁輪到小瑞
醫官問小瑞: " 小瑞, 咁你有咩問題冇? "
小瑞睇左醫官ge食指講: " 冇問題呀, 我冇問題呀。"
小瑞睇住醫官隻食指就講嘞: " 冇問題喇, 我冇問題喇。"
多謝!
好喇! 跟住落嚟又睇吓佢講咩啦!
(紅色字部份唔確定係講邊個音, 灰色字部份係我覺得咁樣講會順啲!)
我叫做Vinson, 好高興認識你哋, 請多多指教!
而家我好緊張, 點解呢? 因為係我第一次喺大家嘅面前開口講廣東話.
因此冇朋友同我練習, 所以我都係在心中自己同我自己說話,
因為冇朋友同我講廣東話, 所以我都係自己同自己講廣東話
有啲時候我都覺得自己好好(運)(玩), 好似痴線嘅人.
有陣時都覺得自己好似傻傻地, 痴痴地咁
有一次, 在機場, 我聽到一個男仔, 好大聲地用手機講電話,
有一次, 喺機場, 我聽到有個男仔, 好大聲咁喺度用手機講電話
佢好嬲的講: 「我唔係同你講過嘛! 點解你仲唔信我呢?」
佢好嬲咁講
嗰個時候, 我覺得好開心, 因為我可以聽懂佢係講乜嘢,
嗰陣時, 我覺得好開心, 原來我可以聽得明佢講乜嘢,
但係嗰個男仔好似發現我係偷偷聽佢講電話, 佢用好恐怖嘅眼神睇住我,
但係嗰個男仔好似見到我喺度偷聽佢講電話, 佢用好恐怖嘅眼神睇住我,
我好驚, 即刻跑走囉!
我好驚, 即刻快啲鬆人囉!
講完古仔, 仲未完架!
仲要玩埋呢個先得喇!
何家公雞何家猜, 何家小雞何家猜…
邊個最後猜贏前三名嗰個先有兔仔鎖匙扣啦!! 快啲猜啦!!! 嘻嘻…
核突: 噁心
撩: 摳
鬆人: 閃人
P.S. 呢度都有其他人講嘅古仔, 去睇睇啦>>>
http://sheilacantonese.pixnet.net/blog/post/245047193
相關嘅文章:
http://sheilacantonese.pixnet.net/blog/post/244912697
http://sheilacantonese.pixnet.net/blog/post/239013170
http://sheilacantonese.pixnet.net/blog/post/245050457
徐記香港大排檔
http://sheilacantonese.pixnet.net/blog/post/238026374
香港
高雄
留言列表
